ករណីប្តីកំហូចលួចទៅរៀបការជាមួយស្រីថ្មី ពុំទាន់បាត់កក្រើកនៅលើបណ្តាញសង្គមហ្វេសប៊ុកផង ស្រាប់តែថ្មីៗនេះ មាន១គូទៀត បានបង្កឲ្យមានការភ្ញាក់ផ្អើលហួសចិត្តសារជាថ្មី នៅពេលដែលបុរសវ័យចំណាស់ម្នាក់ បានលួចទៅរៀបការជាមួយស្រីថ្មីស្ងាត់ៗ ហើយត្រូវបានគេបង្ហោះស៊ែរតៗគ្នានៅលើហ្វេសប៊ុក លេចធ្លាយដល់សាច់ញាតិគ្រួសារខាងប្រពន្ធនាំគ្នាស្រឡាំងកាំងគ្រប់ៗគ្នា ។
យោងតាមគណនីហ្វេសប៊ុកឈ្មោះ Ah Len Chhn ដែលត្រូវជាប្អូនថ្លៃ បានបង្ហោះរូបភាពជាច្រើនសន្លឹក និងសរសេររៀបរាប់យ៉ាងដូច្នេះថា៖ «ហួសចិត្តនិងបងថ្លៃខ្ញុំគាត់ដាច់ចិត្តទៅរៀបការប្រពន្ធថ្មី ទាំងដែលប្រពន្ធមិនទាន់លែងលះគ្នាផង មានគេនិយាយប្រាប់ខ្ញុំ ខ្ញុំមិនជឿគេទេថាបងដាច់ចិត្តចោលប្រពន្ធកូនដ៍កំសត់របស់បងទេ តែឥឡូវច្បាស់ហើយ គួរអោយស្អប់ណាស់ហេតុអីមនុស្សប្រុសចិត្តអាក្រក់ម្លះ អាណិតបងស្រីខ្ញុំខ្លាំងណាស់ តើគាត់ឈឺចាប់បឡុណ្ណាទៅ» ។
យ៉ាងណាមិញ បើតាមរយៈការខមិន បងស្រីខាងលើនេះ បានប្រាប់ទៅកាន់អ្នកលេងហ្វេសដែលចោទប្រកាន់នារីនោះរៀបការជាតាចាស់ឈ្មោះ កាន នេះ ព្រោះតែស្រេកឃ្លានទឹកលុយថា៖ «តានិងគាត់គ្មានលុយទេ» ហើយ «អ៊ំទូច (ប្រពន្ធដើម) ក៏គាត់មិនខ្វល់ដែរ»៕ ដោយ៖ ចន្ទី