ប្រធានថ្មីនៃស្ថាប័នប៉ូលិសព្រហ្មទណ្ឌអន្តរជាតិ (Interpol) លោក Kim Jong Yang សង្កត់ធ្ងន់ថា៖ អាទិភាពដំបូងរបស់លោក គឺបង្កើតកម្លាំងសន្តិសុខនៅតាមបណ្តាតំបន់ដែលមានសន្តិសុខអន់ខ្សោយ និងជួយដល់បណ្តាប្រទេសជាសមាជិកក្នុងកិច្ចសហការប្រឆាំងនឹងប្រភេទឧក្រិដ្ឋកម្មថ្មីៗ។
ថ្លែងទៅកាន់អ្នកសារព័ត៌មានកាលពីថ្ងៃទី២៣៤ខែវិច្ឆិកា ក្នុងដំណើរទសន្សកិច្ចដំបូងទៅកាន់កូរ៉េខាងត្បូងក្នុងនាម ប្រធាន Interpol លោក Kim Jong Yang បានឱ្យដឹងថា៖ ក្នុងចំណោមប្រទេស១៩៤ដែលជាសមាជិករបស់ស្ថាប័ននេះ មានប្រទេសមួយចំនួន ប៉ូលិសមានសមត្ថភាពលើ្អឆ្នើម តែប្រទេសខ្លះទៀតនៅទន់ខ្សោយ។ ហេតុនេះទាមទារឱ្យមានកិច្ចសហប្រតិបត្តិការជាមួយគ្នាដើម្បីបង្ក្រាបបណ្តាញឧក្រិដ្ឋជនដែលមានសភាពកាន់តែស្មុគស្មាញឡើងពីមួយថ្ងៃទៅមួយថ្ងៃ។
គួររំលឹកថា នៅថ្ងៃទី២១វិច្ឆិកា Interpol បានបោះឆ្នោតជ្រើសរើសលោក Kim Jong Yang អាយុ៥៧ឆ្នាំ ធ្វើជាប្រធានថ្មីនៃស្ថាប័ននេះ ។ លោកក៏ជាជនជាតិកូរ៉េខាងត្បូងដែលកាន់តួនាទីជាប្រធាន Interpol ។ មុននោះលោកត្រូវបានបោះឆ្នោតជាអនុប្រធានស្ថាប័ននេះក្នុងឆ្នាំដដែល៕លីសា
