ការចំណាយពីថវិកាសុខមាលភាពសង្គម ទើបត្រូវបាននាយករដ្ឋមន្ត្រីថៃ បានប្រកាលកាលពីថ្ងៃទី២០ ខែវិច្ឆិកា ក្នុងអង្គប្រជុំគណៈរដ្ឋមន្ត្រីថា៖ រដ្ឋាភិបាល«សន្សំសំចៃ»ដើម្បីមានខ្ទង់ចំណាយនេះ ព្រោះវាចាំបាច់ដើម្បីឱ្យពលរដ្ឋក្រីក្រអាចរំលងផុតការលំបាកក្នុងជីវភាពប្រចាំថ្ងៃ។
លោក Prayuth chan-ocha ក៏បានធ្វើការបដិសេធថា ខ្ទង់ចំណាយពិសេសនេះពុំចំណាយគោលដៅនយោបាយសម្រាប់លោកឈរឈ្មោះចូលរួមការប្រណាំងប្រជែងយកមុខតំណែងជានាយករដ្ឋមន្ត្រីនាអាណត្តិខាងមុខឡើយ។
តាមរដ្ឋមន្ត្រីហិរញ្ញវត្ថុថៃ Apisak Tantivorawong ឱ្យដឹងថា មានពលរដ្ឋចំណូលទាបជាង ១៤,៥ លាននាក់នឹង ទទួលបានកាដូឆ្នាំថ្មីរបស់រដ្ឋាភិបាល ក្រោមរូបភាពលក់ទំនិញតម្លៃថោក ជួយទូទាត់សោហ៊ុយទឹក ភ្លើង ថ្លៃឈ្នួលផ្ទះនិងថ្លៃព្យាបាលជំងឺ។ចំពោះមនុស្សចាស់ដែលគ្មានទីពឹងពាក់ នឹងត្រូវបានផ្តល់ប្រាក់ឧបត្ថម្ភប្រចាំខែ។
លោក Apisak ក៏បានឱ្យដឹងថា៖ រដ្ឋាភិបាលនឹងចំណាយ ១៨,៦ពាន់លានបាត ដើម្បីជួយឧបត្ថម្ភដល់ពលរដ្ឋជិត១លាននាក់ដែលជួបគ្រោះអាសន្នដោយសារកៅស៊ូធ្លាក់ថ្លៃ ចាប់ពីខែធ្នូ ឆ្នាំ២០១៨ដល់ខែកញ្ញា២០១៩៕សូយន