បើទោះជាករណីនេះត្រូវបានចាត់ទុកជាទង្វើដ៏ឃោរឃៅ ដែលបានកើតឡើងកាលពី២ឆ្នាំមុនក៏ដោយ តែវានៅទទួលការចាប់អារម្មណ៍ ចែករំលែកសារជាថ្មីនៅលើពិភពអ៊ិនធើរណែត ។
រូបភាព៣សន្លឹក បង្ហាញឲ្យឃើញបុរសម្នាក់យកកាំភ្លើងខ្លីភ្ជង់ក្បាលក្មេងស្រីតូចៗ២នាក់ដែលគ្មានទោសកំហុស ហើយបង្ហោះទិដ្ឋភាពដ៏គួរឲ្យស្លុតរន្ធត់ទាំងនេះ ចូលក្នុងបណ្តាញសង្គមហ្វេសប៊ុក ព្រោះតែចង់ល្បី បានបង្កឲ្យមហាជនផ្ទុះកំហឹងថ្កោលទោសយ៉ាងខ្លាំងក្លាតែម្តង ដោយពួកគេក៏បានសំណូមពរដល់សមត្ថកិច្ច ស្វែងរកចាប់ខ្លួនបុរសឡប់សតិរូបនេះ មកដាក់គុកឲ្យខាងតែបាន ។
បើទោះបីវាគ្រាន់តែជាសកម្មភាពលេងសើចក៏ដោយ តែវានៅតែអាចបង្កឲ្យមានគ្រោះថ្នាក់ ឬ ស្លាប់ដោយប្រការណាមួយ ។ ទោះជាយ៉ាងណា ពុំមានប្រភពព័ត៌មានណាមួយបញ្ជាក់អំពីអត្តសញ្ញាណរបស់បុរសរូបនេះនោះទេ ៕ ដោយ៖ ឧត្តម
