កូនកំលោះម្នាក់ នៅក្នុងទីក្រុង New Delhi នៅតែអាចគ្រប់គ្រង ដើម្បីនិយាយនៅពាក្យសច្ចាជាច្រើនរបស់គាត់ បើទោះបីគាត់ត្រូវបានគេបាញ់ប្រហារនៅតាមផ្លូវធ្វើដំណើរទៅកាន់ផ្ទះខាងកូនក្រមុំរបស់គាត់ កាលពីល្ងាចថ្ងៃចន្ទ (១៩ វិច្ឆិកា) ។
យោងតាមប្រភពព័ត៌មានពី BBC បានឲ្យដឹងថា កូនកំលោះអាយុ ២៥ ឆ្នាំ ម្នាក់ ត្រូវបានបាញ់ប្រហារនៅត្រង់ស្មា ហើយបន្ទាប់មក ត្រូវបានគេដឹកទៅសង្គ្រោះនៅឯមន្ទីរពេទ្យភ្លាមៗផងដែរ ។
តាមរយៈការប៉ង់ស៊ីម៉ង់ត្រង់មុខរបួស កូនកំលោះក៏បានវិលត្រឡប់មកជួយកូនក្រមុំរបស់គាត់ ដើម្បីរៀបមង្គលការរបស់ពួកគេជាធម្មតាវិញ ។
ជនសង្ស័យ២នាក់ ដែលបានបាញ់ប្រហារទៅលើកូនកំលោះ ត្រូវបានគេជឿថាបានជិះម៉ូតូ១គ្រឿង មុនពេលធ្វើសកម្មភាពដ៏សាហាវនេះ ។ ខណៈកូនកំលោះ ត្រូវបានអមដំណើរដោយគ្រួសារ និងសាច់ញាតិរបស់គាត់ ទៅកាន់ផ្ទះកូនក្រមុំ ជនសង្ស័យទាំងនោះ បានលោតចូលក្នុងរទេះសេះរបស់កូនកំលោះ ហើយបាញ់ប្រហារគាត់តែម្តង ។
កូនកំលោះបានអះអាងថា ជនល្មើសនោះបានបាញ់ប្រហារគាត់ ក្នុងបំណងសម្លាប់ចោលតែម្តង ។
ស្នងការរងប៉ូលីសលោក Vijay Kumar បានប្រាប់អ្នកសារព័ត៌មានថា៖ «កូនកំលោះរងរបួស បានផ្តល់ព័ត៌មានទៅកាន់បងប្រុសរបស់គាត់ភ្លាមៗ ដែលបន្ទាប់មក បានដឹកគាត់ទៅកាន់មន្ទីរពេទ្យ Batra ដើម្បីព្យាបាលរបួស» ។
ទោះយ៉ាងណា ជនសង្ស័យពុំទាន់ត្រូវបានចាប់ខ្លួននៅឡើយទេ ខណៈកូនកំលោះ បានវិលត្រឡប់ទៅបន្តព្យាបាលរបួសនៅឯមន្ទីរពេទ្យវិញ ដើម្បីវះកាត់យកគ្រាប់ចេញ បន្ទាប់បញ្ចប់ពិធីមង្គលការរបស់គាត់ ៕ ដោយ៖ ឧត្តម (ប្រភព៖ Worldofbuzz)
