ការស្វែងរកដៃគូជីវិតដ៏ពិតប្រាដកមិនមែនគឺជារឿងងាយស្រួលនោះទេ។ អ្នកខ្លះ បានចំណាយពេលយ៉ាងច្រើនឆ្នាំ ទំរាំបានរកឃើញដៃគូដែលសាកសមនឹងពួកគេ។
ទំនងដោយសារតែពិបាកស្វែងរកដៃគូជីវិតហើយ ទើបបុរសជប៉ុនម្នាក់នេះបានសម្រេចចិត្តរៀបការជាមួយនឹងកូនក្រមុំជ័រជំនួសវិញ។
បុរសជប៉ុន ដែលមិនត្រូវបានគេទម្លាយឈ្មោះឲ្យដឹង បានកំពុងក្លាយជាប្រធានបទដ៏ក្តៅលើបណ្តាញសង្គមក្នុងប្រទេសជប៉ុន ដោយសារតែគ្រប់គ្នាមានការភ្ញាក់ផ្អើលទៅនឹងការសម្រេចចិត្តរបស់គាត់ នោះគឺគាត់បានសម្រេចចិត្តរៀបការជាមួយនឹងតុក្កតាដែលគាត់ចូលចិត្តឈ្មោះ Miku។
បើតាមសេចក្តីរាយការណ៍របស់ Bmombo Radyo បានឲ្យដឹងថា មានការលើកឡើងយ៉ាងច្រើនថា បុរសរូបនោះទំនងជាត្រូវគេធ្វើបាបចិត្ត ហើយប្រហែលជាត្រូវបាននារីៗបដិសេធស្នេហាជាច្រើនដង ទើបបណ្តាលឲ្យគាត់ធ្វើការសម្រេចចិត្តដ៏ចម្លែកបែបនោះ។
នៅក្នុងពិធីមង្គលការ បុរសមានចិត្តចម្លែករូបនោះក៏បានអញ្ជើញគ្រួសារ ព្រមទាំងមិត្តភក្តិជិតស្និទ្ធឲ្យមកចូលរួមផងដែរ។ យើងសាកគិតលមើលថាតើ ពួកគេមានអារម្មណ៍ និងប្រតិកម្មបែបណាចំពោះមង្គលការដែលមានតែមួយ និងប្លែកខុសគេបែបនេះ៕ ដោយ ៖ សុភ័ក្ត្រ
ប្រភព៖ Trendszilla