ប៉ូលីសព្រំដែនអាមេរិក បានបាញ់ឧស្ម័នបង្ហូរទឹកភ្នែក ទៅកាន់សមាជិកក្រុមអ្នកចំណាកស្រុកអាមេរិកកណ្តាល ស្ថិតនៅព្រំដែន Tijuana កាលពីថ្ងៃទី២៥ ខែវិច្ឆិកា ឆ្នាំ២០១៨ ។
ក្រុមនេះបានទៅដល់ព្រំដែនអាមេរិក ហើយត្រូវក្រុមមន្ត្រី ធ្វើការបំបែកសមាជិករបស់ខ្លួន តាមរយៈការបាញ់ឧស្ម័នបង្ហូរទឹកភ្នែកដាក់ ។ ពួកគេបានចោទប្រកាន់ថា ក្រុមនេះអាចបង្កស្ថានភាពគ្រោះថ្នាក់ ។
មន្ត្រីភ្នាក់ងារគយ និងការពារព្រំដែនអាមេរិក បានសរសេរនៅលើ Twitter ថា៖ «ភ្នាក់ងារល្បាតព្រំដែនបានដាក់ពង្រាយឧស្ម័នបង្ហូរទឹកភ្នែក ដើម្បីបំបែកក្រុមនេះ ដោយសារតែហានិភ័យដល់សុវត្ថិភាពភ្នាក់ងារ» ។
យោងតាមហ្វេសប៊ុករបស់ក្រសួងមហាផ្ទៃម៉ិចស៊ិក បានឱ្យដឹងថា ប៉ូលីស Tijuana បានចាប់ខ្លួនមនុស្ស ៣៩ នាក់ នៅក្នុងរយៈពេលនៃថ្ងៃកើតហេតុនោះ ៕ ដោយ៖ ចន្ទី
