ក្មេងប្រុសអាយុ ១១ ឆ្នាំ ដែលកំពុងរងទទួលជំងឺមហារីក រស់នៅ Huai’an ប្រទេសចិន ត្រូវបានរើសអើងដោយគ្រូរបស់គេ បន្ទាប់ពីក្មេងប្រុសនេះត្រូវបានដាក់ឲ្យអង្គុយនៅដាច់ដោយឡែកពីគេ ស្ថិតខាងក្រោយបង្អស់នៃថ្នាក់រៀន ដោយជឿថា រូបគេមានជំងឺឆ្លង ។
ក្មេងប្រុសកំសត់ខាងលើ ត្រូវបានធ្វើរោគវិនិច្ឆ័យរកឃើញមានជំងឺមហារីកកូនកណ្តុរ Non-Hodgkin ជាមហារីកមួយប្រភេទដែលកើតចេញពីប្រព័ន្ធទឹករងៃ ។ យោងតាម Shanghaiist បានឲ្យដឹងថា ក្មេងប្រុសរូបនេះត្រូវបានប្រកាសពុំមានជំងឺមហារីកទេ បន្ទាប់ពីព្យាបាលដោយប្រើគីមី ។
បន្ទាប់វាយលុកមហារីកជាផ្លូវការ គ្រូសារក្មេងប្រុសនេះ បានចុះឈ្មោះរូបគេឲ្យចូលរៀនសាលាថ្មី នៅក្នុងស្រុក ។ ថ្ងៃមួយ ឪពុករបស់គេឈ្មោះ Zhou បានរកឃើញភាពអាម៉ាសរបស់កូនប្រុសខ្លួននៅក្នុងថ្នាក់រៀន នៅពេលរូបគេវិលត្រឡប់មកផ្ទះវិញ ដោយមិនមានចំណាត់ថ្នាក់ពាក់កណ្តាលត្រីមាស ។
គាត់បន្ទាប់មកបានសារភាពចំពោះឪពុកថា គ្រូបង្រៀនបានបដិសេធឲ្យរូបគេបានប្រលង midterm ទេ ដោយប្រកាសថា រូបគេកំពុងមាន «ជំងឺឆ្លង» ហើយបង្ខំឲ្យអង្គុយតែម្នាក់ឯង នៅខាងក្រោយគេបង្អស់នៃថ្នាក់រៀន ។
នាយកសាលាក៏បានបើកការស៊ើបអង្កេតផងដែរ ទាក់ទងនឹងការចោទប្រកាន់ការរើសអើងចំពោះក្មេងប្រុសនេះដែលកំពុងប្រឈម ៕ ដោយ៖ ឧត្តម (ប្រភព៖ nextshark)
