ប៉ូលីសបាននិយាយកាលពីថ្ងៃពុធថា ស្ត្រី៩នាក់ត្រូវបានចាប់ខ្លួនពីបទផ្តល់សេវាផ្លូវភេទ នៅក្នុងផ្ទះមួយកន្លែងដែលមានទីតាំងនៅ Yishun និង Kovan ប្រទេសសិង្ហបុរី ។
កងកម្លាំងប៉ូលិសសិង្ហបុរី (SPF) បាននិយាយនៅក្នុងសេចក្តីប្រកាសព័ត៌មានមួយថា ស្ត្រីដែលមានអាយុចន្លោះពី ២១ ទៅ ៣៩ ឆ្នាំ ត្រូវបានគេផ្សាយពាណិជ្ជកម្មសេវាកម្មរបស់ពួកគេ នៅលើអ៊ីនធឺណិត ។
បុរសអាយុ ៣៣ ឆ្នាំ ម្នាក់ដែលសង្ស័យថា បានជួលផ្ទះមួយក្នុងចំណោមផ្ទះដែលត្រូវបានប្រើប្រាស់សម្រាប់សកម្មភាពខុសច្បាប់នេះ ក៏ត្រូវបានគេចាប់ខ្លួនផងដែរ ។ ទូរស័ព្ទដៃចំនួន ១៥ គ្រឿង ត្រូវបានរឹបអូសផងដែរ ទុកជាជាវត្ថុតាង ។
SPF បាននិយាយថា ជនសង្ស័យទាំង ១០ នាក់ ត្រូវបានចាប់ខ្លួននៅក្នុងប្រតិបត្តិការឆ្មក់ចូលរបស់ប៉ូលិស ដែលត្រូវបានធ្វើឡើងអស់រយៈពេល ៦ ថ្ងៃចាប់ពីថ្ងៃទី ១៨ រហូតដល់ ២២ វិច្ឆិកា ។ មនុស្សជាង ៤០០ នាក់ និងលំនៅដ្ឋានស្នាក់នៅចំនួន ៨៩ និងកន្លែងរកស៊ីជាច្រើនទៀត នៅ Ang Mo Kio, Kovan, Sembawang និង Yishun ក៏ត្រូវបានត្រួតពិនិត្យក្នុងការឆ្មក់ចូលនេះផងដែរ ។
ប៉ូលីសបាននិយាយថា ពួកគេក៏បានរកឃើញសកម្មភាពអបាយមុខផ្សេងៗ នៅឯហាងម៉ាស្សាដែលមានអាជ្ញាប័ណ្ណ និងបានរកឃើញហាងផ្សេងទៀតដែលបើកដោយគ្មានអាជ្ញាប័ណ្ណត្រឹមត្រូវ និងផ្តល់សេវាផ្លូវភេទ ។
ស្ត្រីអាយុ ៥៥ ឆ្នាំម្នាក់ ត្រូវបានចាប់ខ្លួននៅកន្លែងម៉ាស្សាមួយកន្លែង ក្នុងចំណោមហាងជាច្រើនទៀត ក្នុងករណីសម្រាប់បទល្មើសស្ថិតក្រោមធម្មនុញ្ញនារី ។
បុរស២នាក់ដែលមានអាយុ ៣០ និង ៦៤ ឆ្នាំ ត្រូវបានចាប់ខ្លួនដោយសារពួកគេសង្ស័យថាជាប់ពាក់ព័ន្ធក្នុងការបោកប្រាស់នៅលើអ៊ីនធឺណិត ៕
ប៉ូលិសបាននិយាយថា ការស៊ើបអង្កេតលើករណីទាំងអស់នេះ កំពុងបន្ត ៕ ដោយ៖ ឧត្តម (ប្រភព៖ channelnewsasia)