ភ្នំពេញ ៖ ឆ្នាំ២០១៨ នេះ ជាលើកទី២ហើយ ដែលកម្ពុជាប្រឈមនឹងការខ្វះខាតអំបិល ខណៈកាលពីឆ្នាំ២០០៨ កម្ពុជាធ្លាប់ជួបបញ្ហានេះម្ដងដែរ។
អំបិលដែលត្រូវនាំចូលមកពីប្រទេសចិន បានមកដល់កំពង់ផែក្រុងព្រះសីហនុ ហើយកាលពីថ្ងៃទី២៧វិច្ឆិកា បន្ទាប់ពីការចុះកិច្ចព្រម ព្រៀងសម្រាប់ការនាំចូល ៣០០០០ តោន។
លោក ប៊ុន បារាំង សហប្រធានសហគមន៍ផលិតអំបិលកែបកំពត (SPCKK) បានប្រាប់ថា អំបិល ៥ ០០០ តោនក្នុងចំណោមបរិមាណសរុប បានមកដល់កំពង់ផែហើយ SPCKK កំពុងដំណើរការនីតិវិធីឡូជីស្ទីក។
អំបិលនាំចូលនេះមានថ្លៃ ៩០ ដុល្លារ ក្នុងមួយតោន ហើយបន្ទាប់ពីការទូទាត់ការចំណាយលើឡូជីស្ទីក តម្លៃនឹងកើនដល់ជាង ១០០ ដុល្លារ ក្នុងមួយតោន។ មុនពេលនាំចូលនេះ តម្លៃអំបិលកើនឡើងដល់ ៧៥ ដុល្លារ ក្នុងមួយតោន នៅឆ្នាំនេះ ធៀបនឹង ៥២ ដុល្លារកាលពីឆ្នាំមុន ដោយសារតែកង្វះអំបិល និងការផលិតធ្លាក់ចុះដោយសារតែទឹកភ្លៀង។
លោកថ្លែងថា អំបិលនាំចូលនេះមានតម្លៃខ្ពស់ជាងអំបិលរបស់កម្ពុជា ប៉ុន្តែមិនមានជម្រើសទេ។ យើងចាំបាច់ត្រូវនាំចូល ដើម្បីឆ្លើយតបនឹងការប្រើប្រាស់ក្នុងស្រុករបស់យើង»។
នេះគឺជាការនាំចូលលើកទី ២ ហើយ បន្ទាប់ពីមានការចំណាយលើកមុន ២,២ លានដុល្លារសម្រាប់ការនាំចូលអំបិល ២០ ០០០ តោនមកពីប្រទេសចិននៅឆ្នាំ ២០០៩។
ស្រែអំបិលនៅខេត្តកំពត និងខេត្តកែបមានជាង ៤ ៦០០ ហិកតាដែលធ្វើអំបិលដោយពលរដ្ឋប្រហែល ២០០ គ្រួសារ។ រដូវប្រមូលផលចាប់ផ្ដើមពីខែមករាដល់ចុងខែមេសា។
ទិន្នន័យផលិតរបស់ SPCKK បង្ហាញថាអំបិល ៣៣ ០០០ តោនត្រូវបានផលិតនៅក្នុងខេត្ត ២ នេះកាលពីឆ្នាំមុន។ យោងតាមទិន្នន័យរបស់ក្រសួងឧស្សាហកម្ម និងសិប្បកម្ម ឧស្សាហកម្មអំបិលរបស់កម្ពុជារកបានប្រាក់ចំណូលសរុបប្រហែល ២២ លានដុល្លារ។
លោក ប៊ុន បារាំង បានឲ្យដឹងថា សមាគមអំបិលកែបកំពត បាននាំចូលអំបិលពីប្រទេសចិនចំនួន៥ពាន់តោន និងបានមកដល់កម្ពុជាហើយនាថ្ងៃម្សិលមិញនេះ។ ការនាំចូលអំបិលប្រមាណ៥ពាន់តោននេះ ជាជំហានទី១ ដែលសមាគមនាំពីប្រទេសចិន។
លោកបន្ដថា ការនាំចូលអំបិលនេះ ពិតជាទាន់ពេលវេលា ស្របពេលអំបិលដែលក្នុងស្ដុក នៅកម្ពុជាអស់រលីងតែម្ដង។ អំបិល៥ពាន់តោននេះ ផ្គត់ផ្គង់លើទីផ្សារកម្ពុជាមិនគ្រប់គ្រាន់ឡើយ ត្រូវនាំចូល៣ម៉ឺនតោនឯណោះ។ អំបិលនឹងបន្ដនាំចូលពីប្រទេសផ្សេងៗ រហូតដល់រដូវធ្វើអំបិលទើបឈប់នាំចូល ប៉ុន្ដែប្រសិនបើដល់រដូវហើយកម្ពុជា មិនអាចធ្វើអំបិលបានទៀតនោះគឺ ត្រូវសូមគោលការណ៍នាំចូលបន្ដទៀត។
លោកបញ្ជាក់ទៀតថា ការសម្រេចនាំចូលអំបិលពីប្រទេសចិននេះ បណ្ដាលមកពីកម្ពុជាកំពុងប្រឈមការខ្វះខាត អំបិលផ្គត់ផ្គង់តម្រូវ ការ ដោយសារការផលិតអំបិល មិនទទួលបានផល ព្រោះតែបញ្ហាអាកាសធាតុ មានភ្លៀងធ្លាក់ច្រើនពេក។ ការប្រឈមនឹងការអត់អំបិលប្រើប្រាស់ក្នុងឆ្នាំនេះ បណ្ដាលមកពីសមាគមផលិតអំបិល មិនអាចផលិតបាន ដោយសារតែឆ្នាំនេះ អាកាសធាតុប្រែប្រួលពោល គឺមេឃភ្លៀងធ្លាក់រហូត។
លោក ប៊ុន បារាំង បានឲ្យដឹងថា សមាគមអំបិលកែបកំពត បាននាំចូលអំបិលពីប្រទេសចិនចំនួន៥ពាន់តោន និងបានមកដល់កម្ពុជាហើយនាថ្ងៃម្សិលមិញនេះ។ ការនាំចូលអំបិលប្រមាណ៥ពាន់តោននេះ ជាជំហានទី១ ដែលសមាគមនាំពីប្រទេសចិន។
លោកបន្ដថា ការនាំចូលអំបិលនេះ ពិតជាទាន់ពេលវេលា ស្របពេលអំបិលដែលក្នុងស្ដុក នៅកម្ពុជាអស់រលីងតែម្ដង។ អំបិល៥ពាន់តោននេះ ផ្គត់ផ្គង់លើទីផ្សារកម្ពុជាមិនគ្រប់គ្រាន់ឡើយ ត្រូវនាំចូល៣ម៉ឺនតោនឯណោះ។ អំបិលនឹងបន្ដនាំចូលពីប្រទេសផ្សេងៗ រហូតដល់រដូវធ្វើអំបិលទើបឈប់នាំចូល ប៉ុន្ដែប្រសិនបើដល់រដូវហើយកម្ពុជា មិនអាចធ្វើអំបិលបានទៀតនោះគឺ ត្រូវសូមគោលការណ៍នាំចូលបន្ដទៀត។
លោកបញ្ជាក់ទៀតថា ការសម្រេចនាំចូលអំបិលពីប្រទេសចិននេះ បណ្ដាលមកពីកម្ពុជាកំពុងប្រឈមការខ្វះខាត អំបិលផ្គត់ផ្គង់តម្រូវការ ដោយសារការផលិតអំបិល មិនទទួលបានផល ព្រោះតែបញ្ហាអាកាសធាតុ មានភ្លៀងធ្លាក់ច្រើនពេក។ ការប្រឈមនឹងការអត់អំបិលប្រើប្រាស់ក្នុងឆ្នាំនេះ បណ្ដាលមកពីសមាគមផលិតអំបិល មិនអាចផលិតបាន ដោយសារតែឆ្នាំនេះ អាកាសធាតុប្រែប្រួល មេឃភ្លៀងធ្លាក់រហូត។ ដោយ ៖ បញ្ញាស័ក្តិ
