យោងទៅតាម Miaopai ស្ត្រីម្នាក់បានដាក់ពាក្យប្តឹងប៉ូលិស ដោយប្រាប់ពួកគេនូវរឿងចម្លែកមួយ បន្ទាប់ពីបុរសម្នាក់បាននាំយកពស់វែកចំនួន៣ក្បាល ចូលទៅបន្ទប់សណ្ឋាគារ ហើយបានសុំនាងរួមភេទជាមួយ ប៉ុន្តែ នៅពេលដែលនាងបដិសេធ គាត់ក៏បានគំរាមនាងដោយនិយាយថា គាត់នឹងឲ្យពស់នោះខាំនាង ។
ដោយពុំមានជំរើសអ្វីផ្សេង ស្ត្រីរូបនោះក៏បានយល់ព្រមតាមការទាមទាររបស់គាត់ ហើយគាត់បានរំលោភនាងតែម្តង ។ បន្ទាប់ពីនោះមកគាត់បានទៅបន្ទប់ទឹករបស់សណ្ឋាគារ និងបានត្រាំនៅក្នុងអាងងូតទឹក ខណៈលេងជាមួយសត្វពស់ដែលបានងាប់របស់គាត់ ។ រំពេចនោះ គាត់បានស្រែករកស្ត្រីនោះ ហើយបានប្រាប់នាងអោយចាកចេញពីបន្ទប់ នៅពេលដែលគាត់ត្រូវបានពស់មួយក្នុងចំណោមនោះបានខាំគាត់ ។
ទោះយ៉ាងណា គាត់បានប្រាប់នាងមិនឲ្យទូរស័ព្ទប្រាប់ប៉ូលីស ឬ ស្វែងរកការព្យាបាលពីពេទ្យទេ ។ ប៉ុន្តែ ផ្ទុយទៅវិញ ស្ត្រីរងគ្រោះបានចាកចេញពីសណ្ឋាគារតាមតាក់ស៊ី និងសំដៅទៅកាន់ប៉ុស្តិ៍ប៉ូលីស ដើម្បីប្តឹងករណីគាត់រំលោភនាង ។ នៅពេលប៉ូលីសមកដល់ ពួកគេបានរកឃើញបុរសនោះដេកស្លាប់បាត់ទៅហើយ ដោយរងពឹសរបស់ពស់ ហើយពួកគេក៏បានចាប់បានពស់ទាំងអស់៣ក្បាល ដែលនៅតែស្ថិតក្នុងបន្ទប់ ។ បច្ចុប្បន្ន ពួកគេកំពុងបើកការស៊ើបអង្កេតករណីនេះ ៕ ដោយ៖ ចន្ទី (ប្រភព៖ worldofbuzz)
