តាកែវ ៖ រដ្ឋលេខាធិការក្រសួងមហាផ្ទៃឯកឧត្តម ឡេង វី បានធ្វើការជំរុញឲ្យអាជ្ញាធខេត្តតាកែវជាពិសេសសមត្ថកិច្ចជំនាញធ្វើយ៉ាងណាបង្កានិងបង្ក្រាបឲ្យបានជាដាច់ខាតចំពោះសកម្មភាពលូច ប្លន់និងបទល្មើសផ្សេងៗទៀតដែលកើតឡើងនៅក្នុងខេត្តតាកែវ ។
ថ្លែងនៅក្នុងឱកាស់អញ្ជើញជាអធិបតីភាពនៅក្នុងពិធីប្រកាស់តែងតាំងអភិបាលខេត្តរងតាកែវនៅព្រឹកថ្ងៃ សុក្រ ទី ៧ខែ ធ្នូ ឆ្នាំ ២០១៨នេះ ឯកឧត្តម ឡេង វី រដ្ឋលេខាធិការក្រសួងមហាផ្ទៃនិងជាតំណាងដ៏ខ្ពស់ខ្ពស់របស់សម្ដេចក្រឡាហោម ស ខេង នាយករដ្ឋមន្ត្រីស្ដីទី បានថ្លែងថាបញ្ហាសន្តិសុខសណ្ដាប់ធ្នាប់សាធារណៈនិងសន្តិសុខសង្គម អាជ្ញាធមូលដ្ឋានត្រូវតែយកចឹត្តទុកដាក់ឲ្យបានខ្ពស់ ពោលគឺអាជ្ញាធគ្រប់លំដាប់ថ្នាក់ជាពិសេសអាជ្ញាធមានសមត្ថកិច្ចត្រូវតែធ្វើការទប់ស្កាត់ជាមុនចំពោះអំពើប្លន់ប្រដាប់អាវុធ ចោរលួច ការចែកចាយ ប្រើប្រាស់គ្រឿងញៀននៅក្នុងមូលដ្ឋានរបស់ខ្លួន។
ឯកឧត្តមរដ្ឋលេខាធិការបានមានប្រសាសន៏បន្តថា បញ្ហាលេងល្បែងស៊ីសងដែលជាឬសគល់នៃអំពើលួចប្លន់ អាជ្ញាធគ្រប់លំដាប់ថ្នាក់ក៏ត្រូវបង្ក្រាបឲ្យខាងតែបានផងដែរ។ ព្រោះកាលណាតែអ្នកលេងល្បែងចាញ់គឺមានមួយចំនួនច្បាស់ជាធ្វើសកម្មភាពខុសច្បាប់ហើយ។ ដូច្នោះដើម្បីធ្វើឲ្យប្រជាពលរដ្ឋមានការកក់ក្ដៅនៅក្នុងចឹត្តនិងមានជំនឿទុកចឹត្តលើអាជ្ញាធ គម្បីយើងទាំងអស់គ្នាដែលជាអ្នកបម្រើប្រជាពលរដ្ឋត្រូវតែធ្វើសកម្មភាពឲ្យបានខ្លាំងក្លាក្នុងការបង្ក្រាបអោយបានជាដាច់ខាតចំពោះទង្វើខុសច្បាប់ដែលកើតមានឡើងនៅតាមមូលដ្ឋាន។
នៅក្នុងឱកាសនោះផងដែរឯកឧត្តម ឡេង វី ក៏បានធ្វើការណែនាំដល់អាជ្ញាធគ្រប់លំដាប់ថ្នាក់ត្រូវធ្វើចលនាឲ្យបងប្អូនប្រជាពលរដ្ឋចូលរួមសកម្មភាពជាមួយអាជ្ញាធក្នុងការរាយការណ៍ជូនសមត្ថកិច្ចរាល់សកម្មភាពមិនប្រក្រតីណាមួយនៅក្នុងមូលដ្ឋានរបស់ខ្លួន ដើម្បីអោយសមត្ថកិច្ចចុះទៅធ្វើការទប់ស្កាត់បានទាន់ពេលវេលា៕ ដោយ ៖ តាកែវ
