ឆ្នាំជូត ៖ ការងារ ប្រយ័ត្នប្រយែងពាក្យសម្តីកុំឲ្យកើតមានទំនាស់ជាមួយអ្នករួមការងារ ។ លុយកាក់ ស្ថិរភាព ។ មនោសញ្ចេតនា មិនត្រូវប្រើសម្តីធ្ងន់ៗដាក់គូស្នេហ៍ ។
ឆ្នាំឆ្លូវ ៖ ការងារ ល្អប្រសើរ តែត្រូវសម្រួលផ្លូវចិត្តកុំឲ្យរងឥទ្ធិពលដោយកត្តាខាងក្រៅ ។ លុយកាក់ មានបន្ថែមខ្ទង់ចំណូល តែក៏ត្រូវចំណាយច្រើន ។ មនោសញ្ចេតនា ផ្អែមល្ហែម សុភមង្គល ។
ឆ្នាំខាល ៖ ការងារ មានរឿងប្រែប្រួលច្រើន ។ លុយកាក់ ចម្រុងចម្រើន ចំណូលកើនឡើងសន្ធឹក ។ មនោសញ្ចេតនា កុំឲ្យរឿងពីក្រៅឥទ្ធិពលដល់មនោសញ្ចេតនាអ្នក និងគូស្នេហ៍ ។
ឆ្នាំថោះ ៖ ការងារ មិនត្រូវប្រញាប់ប្រញាល់អន្ទះសាហួសក្នុងការងារ ។ លុយកាក់ មិនស្ថិរភាព ចាយវាយត្រូវសន្សំសំចៃ ។ មនោសញ្ចេតនា រីករាយ កក់ក្តៅ ។
ឆ្នាំរោង ៖ ការងារ ជួបឱកាសល្អៗច្រើនក្នុងការងារ ។ លុយកាក់ គួរស្វែងយល់ឱកាសវិនិយោគពីមនុស្សនៅជុំវិញ ។ មនោសញ្ចេតនា គួរមានការចែករំលែកក្នុងមនោសញ្ចេតនា ។
ឆ្នាំម្សាញ់ ៖ ការងារផ្លូវចិត្តមិនសប្បាយ ឥទ្ធិពលអាក្រក់ដល់ការងារ ។ លុយកាក់ មិនត្រូវប្រថុយប្រថានក្នុងការវិនិយោគ ។ មនោសញ្ចេតនា ត្រូវចេះទប់ចិត្ត អត់ឱនក្នុងរឿងមនោសញ្ចេតនា ។
ឆ្នាំមមី ៖ ការងារ ត្រូវព្យាយាមថែមទៀតក្នុងការងារ ។ លុយកាក់ ធូរធារជួបសំណាងល្អច្រើនអំពីលុយកាក់ ។ មនោសញ្ចេតនា ត្រូវសកម្ម ម្ចាស់ការក្នុងរឿងមនោសញ្ចេតនា ។
ឆ្នាំមមែ ៖ ការងារ ជួបរឿងរំខានចិត្តមួយចំនួន តែក៏អាចដោះស្រាយរួច ។ លុយកាក់ ត្រូវត្បិតត្បៀត ព្រោះចំណូលមិននឹងនរ ។ មនោសញ្ចេតនា គួរកែប្រែខ្លួនឯងសិនមុននឹងឲ្យគូស្នេហ៍ផ្លាស់ប្តូរ ។
ឆ្នាំវក ៖ ការងារ ទោះបីរវល់ច្រើន ក៏មិនគួរភ្លេចថែរក្សាសុខភាព ។ លុយកាក់ ធម្មតា ពុំមានអ្វីប្រសើរ ឬអន់ថយជាមុន ។ មនោសញ្ចេតនា ងាយកើតជម្លោះជាមួយគូស្នេហ៍ ។
ឆ្នាំរកា ៖ ការងារ លេចចេញឱកាសល្អៗច្រើន តែត្រូវប្រយ័ត្នមានអ្នកឈ្នានីសពីក្រោយខ្នង ។ លុយកាក់ ប្រយ័ត្នត្រូវចាញ់បោកគេ ខាតបង់អស់ប្រាក់កាស ។ មនោសញ្ចេតនា គួរថែរក្សាមនោសញ្ចេតនាបច្ចុប្បន្នឲ្យល្អប្រសើរ ។
ឆ្នាំចរ ៖ ការងារ ត្រូវប្រមូលផ្តុំក្នុងការងាររបស់ខ្លួន ដើម្បីដោះស្រាយឲ្យអស់កិច្ចការនៅសេសសល់ ។ លុយកាក់ទទួលបានដំណឹងល្អអំពីការវិនិយោគពីមិត្តភក្តិ ។ មនោសញ្ចេតនា ពោរពេញដោយភាពសោមនស្សរីករាយ ។
ឆ្នាំកុរ ៖ ការងារ ត្រូវនិយាយតិចធ្វើច្រើន ។ លុយកាក់ ថ្លឹងថ្លែងឲ្យម៉ត់ចត់មុនពេលធ្វើការសម្រេចចិត្តពាក់ព័ន្ធដល់លុយកាក់ ។ មនោសញ្ចេតនា ត្រូវយកចិត្តទុកដាក់ឲ្យបានច្រើនចំពោះមនុស្សដែលខ្លួនស្រឡាញ់ ៕