នារីម្នាក់មានទម្ងន់ខ្លួនពុំដល់ ៤៥គីឡូក្រាមផង តែអាចបរិភោគអស់ចៀមខ្វៃ ទម្ងន់ ១៥Kg តាមមើលនាងប្រហែលស្ថិតក្នុងចំណោមមនុស្សដែល”ក្រពះគ្មានបាត”។
តុងតុង កើតនៅខេត្ត ហ៊ីឡុងជាំង អាចបរិភោគអស់អាហារលើតុសម្រាប់មហាគ្រួសារមួយដែលនាងតែងផ្សាយបន្តផ្ទាល់នូវទិដ្ឋភាពនេះ លើបណ្តាញសង្គម ។ ចាប់ផ្តើមខ្សែវីដេអូនេះ នារីវ័យ ២៥ឆ្នាំ ពោលថា “សួរស្តីអ្នកទាំងអស់គ្នា ខ្ញុំគឺតុងតុងក្រពះធំ”។
ជាមួយស្នាមញញឹម នាងសំឡឹងចំកាមេរ៉ា ហើយមើលទៅតុងតុងហាក់ដូចជាតូចល្អិចណាស់ ប្រៀបដូចជាភ្នំអាហារខាងមុខនាង។ តាមរយៈខ្សែវីដេអូខាងលើ បង្ហាញថា នារីវ័យ ២៥ឆ្នាំនេះ បានសម្រេចភារកិច្ចក្នុងការទូទាត់សាច់ចៀមអាំងទម្ងន់ ១៥គីឡូក្រាមខាងលើ ។
ប្រិយមិត្តអាចមានការស្រឡាំងកាំង និងគិតថា នាងប្រហែលជាឃ្លាន ប៉ុន្តែក្នុងអំឡុងពេល ៧ឆ្នាំមកនេះ នាងបានបង្ហាញពីសមត្ថភាពនៃមនុស្សមានក្រពះគ្មានបាតជាអាទិ៍ នាងអាចបរិភោគម្តងមួយពេលអស់គាវចំនួន២០០ដុំ ឬស៊ុតចំនួន៩៣គ្រាប់។ ចំពោះអាហារអឺរ៉ុបវិញនាងក៏ធ្លាប់បង្ហាញឲ្យឃើញថា បានបរិភោគអស់ hamburge 5kg តែពុំទាន់ឆ្អែតត្រូវបន្ថែមសាច់វិចសាច់ចៀម ៤៨ដុំទៀត ។ ជាសក្ខីភាពនៃសមត្ថភាពកម្រប្រទះនេះ គឺនៅអំឡុងពេលនៃការប្រកួត “ស៊ី” ប្រព្រឹត្តទៅកាលពីខែ៥ នៅសឺជាំង តុងតុង បានឈ្នះដាច់លើគូប្រកួត ៤នាក់ទៀត ដោយបរិភោគអស់មី ១៧ចាន ក្នុងអំឡុងពេល ១០នាទីប៉ុណ្ណោះ ខណៈពេលអ្នកឈររៀបលំដាប់បន្តបន្ទាប់បរិភោគអស់ ៥-៧ ចានប៉ុណ្ណោះ។ នាងពោលថា “សមត្ថភាពបរិភោគរបស់ខ្ញុំខ្លាំងណាស់ ក្រៅពីនោះខ្ញុំនៅចាំបាច់បរិភោគអាហារពេលយប់ទៀត ម្តងៗក៏បរិភោគមិនតិចដែរ៕ ចន្ទ្រា
