ភ្នំពេញ ៖ លោក ពេជ្រ កែវមុន្នី ចៅហ្វាយខណ្ឌមានជ័យ មិនខ្ចីលើកទូរស័ព្ទ ប្អូនស្រី សម្តេចនាយករដ្ឋមន្ត្រី ដែលអត់ទ្រាំមិនឈឺឆ្អាល ចំពោះសម្រែកទុក្ខលំបាក របស់រាស្ត្រក្នុងរឿងដីធ្លីមិនបាននោះ ត្រូវបណ្ដាញសង្គមហ្វេសប៊ុករិះគន់ យ៉ាងចាស់ដៃថា ឋានៈដល់ប្អូនស្រីលោកនាយករដ្ឋមន្ត្រី ហ៊ុន សែន ទៅហើយ នៅទូរស័ព្ទមិនលើក ចុះទម្រាំរាស្ត្រសាមញ្ញវិញ ទៅជាយ៉ាងណា។
លោកស្រី ហ៊ុន ស៊ីណាត ប្អូនស្រីសម្តេចនាយករដ្ឋមន្ត្រី តាមរយៈគណនីហ្វេសប៊ុកផ្ទាល់ខ្លួន បានបង្ហោះសារមួយ ដោយបង្ហាញពីការស្ទើរអស់សង្ឃឹម ព្រោះតែលោកស្រី ព្យាយាមជួយដល់មន្ត្រីរាជការ២នាក់ប្ដីប្រពន្ធ រងគ្រោះព្រោះគេលេបត្របាក់ដីធ្លី ដែលជាកម្លាំងញើសឈាមរបស់ពួកគាត់។ សារនេះ បានធ្វើឲ្យមហាជន រិះគន់ទៅលើអាជ្ញាធរខណ្ឌមានជ័យ ជាពិសេសលោកចៅហ្វាយខណ្ឌ ពេជ្រ កែវមុន្នី តែម្ដង ដែលមិនយកចិត្តទុកដាក់ចំពោះសុខទុក្ខរបស់រាស្ត្រក្នុងមូលដ្ឋានរបស់ខ្លួន ។
លោកស្រី ហ៊ុន ស៊ីណាត បានសរសេរយ៉ាងដូច្នេះថា៖ “ម្សិលមិញរវល់ការចៅ តែការចៅកពិតមែនតែអារម្មណ៍ របស់ខ្ញុំឮតែសំឡេងប្អូនម្នាក់ យំស្រែកហៅខ្ញុំឲ្យជួយរកយុត្តិធម៌នៅក្នុងសង្កាត់ចាក់អង្រែ ។រឿងរបស់លោកចៅ លិន ជាគ្រូបង្រៀននៅវិទ្យាស្ថានជាតិអប់រំ និងប្រពន្ធឈ្មោះ ហម សូលក្ខណ៍ ជាមន្ត្រីរាជការ ។
បើតាមការរៀបរាបរបស់គាត់ដីនេះ ទិញតាំងពីឆ្នាំ ២០០៤ លុយនេះជាកម្លាំងញើសឈាមរបស់គាត់សន្សំប្រាក់ខែ ជាគ្រូបង្រៀនបន្តិចបន្តួច ហើយគាត់សង្ឃឹមថា ក្នុងគ្រូសារជីវិតគ្រូបង្រៀនមួយនេះ មានដំបូលជ្រកកោន តែអនិច្ចាណាស់ ខ្ញុំបានទូរស័ព្ទជួបចៅសង្កាត់ចាក់អង្រែកែវ សាវឿន តែគាត់ថារឿងនេះ ថ្នាក់លើបញ្ជាមក ខ្ញុំទូរស័ព្ទទៅលោកអភិបាលខណ្ឌមានជ័យ ពេជ្រកែវ មុន្នី តែគាត់មិនលើក ។ ប្អូនស្រីបងនេះ មិនមែនបុគ្គលដោះស្រាយដីធ្លីទេ តែរឿងដីលោកគ្រូនេះខ្ញុំជឿជាក់ និងសង្ឃឹមលើឯកឧត្តមឃួន ស្រេង អភិបាលរាជធានីភ្នំពេញ និងដោះស្រាយជូន គាត់មិនអោយជីវិតលោកគ្រូ អត់ដំបូលជ្រកអាស្រ័យឡើយ ។ ម្យ៉ាងទៀតសូមលោកគ្រូកុំអស់សង្ឃឹមអី ទីណាមានទុក្ខទីនោះ មានសម្ដេចតេជោ និង ឧត្តមក្រុមប្រឹក្សាពិគ្រោះ និងផ្ដល់យោបល់ ដែលជាដៃស្ដាំរបស់សម្ដេច គាត់ និងជួយរកយុត្តិធម៌ជូនមិនខាន សូមឯកឧត្តមឃួង ស្រេង មេត្តាជួយលោកគ្រូផង”។
នៅក្នុងការបញ្ចេញមតិខំមិនឆ្លើយតបក្នុងផេករបស់លោកស្រី ហ៊ុន ស៊ីណាត ចំពោះខ្លឹមសាររបស់លោកស្រី មានទាំងអ្នកកាន់ជើង និងអ្នករិះគន់យ៉ាងខ្លាំងចំពោះលោកចៅហ្វាយខណ្ឌមានជ័យ។
លោកស្រី ហ៊ុន ស៊ីណាត បានសូមសំពះគុណច្រើនដល់បងៗប្អូនៗកូនក្មួយទាំងអស់ ដែលគាំទ្រនៅសកម្មភាពរបស់នាងខ្ញុំ ដើម្បីរកយុត្តិធម៌ជូនរាស្ត្រទន់ខ្សោយ ។ ស្រឡាញ់ និងនឹករលឹកអ្នកទាំងអស់ជានិច្ច ។
លោក Vannak Pheng បានសរសេរថា អភិបាលខណ្ឌស្ដេចត្រាញ់ ដែលអ្នកមីង ទូរស័ព្ទទៅហើយមិនលើកទៀត។
គណនីហ្វេសប៊ុក LY Seyha ដែលអះអាងថា ជាជំនួយការលោកចៅហ្វាយខណ្ឌ ពេជ្រ កែវមុន្នី បានតបទៅសារបញ្ចេញមតិ( Comment) របស់លោក ផែង វណ្ណៈ ដែលថា៖ មិនមែនបែបនេះទេបង ប្រហែលអាចជាគាត់រវល់មិនបានដឹងដោយទុក ទូរស័ព្ទចោល ណាមួយសម្បូ អ្នកកាសែតមួយចំនួនតេសុំលុយច្រើន អញ្ចឹងអាច មិសស៊ីខល អ្នកមីងអាចនៅខាងក្រោម ។ តែពេលនេះគាត់និងទាក់ទងទៅអ្នកមីងវិញក្រោយចប់ប្រជុំណាបង ។ ហើយរឿងនេះ ឯកឧត្តម សុយ សារិន ជាអ្នកដឹកនាំចុះរុះរើ ដោយឡែកលោកគ្រូនិង ភរិយាគាត់ក៏បានមកដល់សាលាខណ្ឌសុំអោយលោកអភិបាលជួយដែរក្រោយរុះរើរហើយនិងមុនរុះរើរ ហើយលោកអភិបាលក៏បានឲ្យគាត់ទាំពីរនាក់ធ្វើប្រវត្តិដីមកឲ្យគាត់ ដោយឲ្យដឹងឮពីសង្កាត់ផ្ទាល់ថាតើដីគាទិញពីពេលណា? ពីនាក់ណា? ក្នុងឆ្នាំណា? អគុណបងប្រុស នឹកបងប្រុសខានជួបបងយូរ។
លោកស្រី ហ៊ុន ស៊ីណាត បានឆ្លើយតបទៅគណនីហ្វេសប៊ុក LY Seyha៖ លោកក្មួយនិយាយថា សម្បូអ្នកកាសែតតេសុំលុយម្ចាស់ថ្លៃអើយ ចុះបើបែបនេះមែនឲ្យរាស្ត្រសង្ឃឹមខ្យល់ទៅ ក្នុងនាមខ្លួនជាអ្នកបម្រើរាស្ត្រ មិនគួរខ្លាចក្នុងកាលើកទូរស័ព្ទទេ មានតែមន្ត្រីគ្រាប់ល្ពៅឆៅទេ ដែលខ្លាចមិនហ៊ានលើកទូរស័ព្ទនោះ។ ខ្ញុំតេនេះគ្រាន់តែចង់ដឹងរឿងដីលោកគ្រូប៉ុណ្ណឹងទេ តែខ្ញុំតេក្នុងថ្ងៃអាទិត្យ ខ្ញុំគិតថាបែបអស់លោកមិនលើកទូរស័ព្ទ ពីព្រោះថ្ងៃក្រហម…។
Tang Sokheang ៖ ក្នុងនាមខ្ញុំជាកូនខ្មែរ ខ្ញុំសូមថ្លែងអំណរគុណយ៉ាងជ្រាលជ្រៅ ដល់លោកជំទាវ ហ៊ុន ស៊ីណាត ដែលបានជួយរក យុត្តិធម៌ដល់រាស្ត្រខ្មែរយើង ហើយពួកយើងខ្ញុំទាំងអស់ និង បន្តគាំទ្រនៅអំពើមនុស្សធម៌ របស់លោកជំទាវដែលបានជួយប្រជាជនខ្មែរ ដើម្បី វែកមុខមន្ត្រីអាក្រក់ និងពុករលួយ មិនគោរពច្បាប់ ដែលបង្កឲ្យអាប់អោនដល់គណបក្ស ប្រជាជនយើង ដែលសម្ដេច ហ៊ុន សែន លោកបានចំណាយអស់កម្លាំងកាយចិត្ត ស្ដារឡើងវិញ។
លោក ផែង វណ្ណៈ ក៏តបការឆ្លើយតបខាងលើ៖ “ខ្លាចអ្នកមីងតេសុំលុយដែរទេដឹង បានមិនលើក ហេ ហេ ហេ”។ ទើបលោកស្រីបន្តថា “Vannak Pheng បែបហើយក្មួយ មន្ត្រីល្អគាត់ខ្លាចរាស្ត្រតេរំខាន ម្សិលមិញម្ចាស់ដីគាត់ឆាតមកយំរហូតមីង ចង់ដឹងរឿងប៉ុណ្ណឹង មីងកតេជាមួយតាំងណៃមិត្តរបស់មីង ពីព្រោះតាំងណៃគាត់ឮសំឡែងនាងនោះយំ តែខ្ជិលប្រកាន់អីគាត់មិនលើកហើយមានតែសុំឲ្យលោកឃួន ស្រេងជួយមើល” ។ គណនី LY Seyha៖ សុំទោសផងអ្នកមីង ក្មួយនិយាយតាមកាមើលឃើញទេ។ អាណិតលោកគ្រូនិងបងស្រីខ្លាំងណាស់ គាត់ទាំងពីរនាក់គឺជាមនុស្សល្អ។
លោកស្រៀង ណារិទ្ធ ៖ ប្រហែលចៅហ្វាយខណ្ឌមានជ័យ ធ្វើរឿងមិនល្អ ហើយអ្នកកាសែតដឹង ខលទារលុយហើយមើលទៅ បានខ្លាចអ្នកកាសែត។ Preng Satyaphireak ៖ គេខលសុំលុយបាន លុះត្រាតែ មានរឿងចំណុចខ្សោយ ក្នុងដៃគេ ? បើចឹង ចៅហ្វាយខណ្ឌ ជាអាជ្ញាធរស្រាប់ មិនចាប់អ្នកកាសែតខូចហ្នឹងទៅ ដើម្បីកុំពិបាក ខ្លាចសម្លេងទូរស័ព្ទរោទ៍។ Sokonmuny Meas៖ អាណិតអ្នកសារព័ត៌មានទៅវិញទេដែលត្រូវខ្លាយជាចំណុចដោះសារ ។ LY Seyha៖ ដីរបស់គាត់គឺជាកាពិតហើយដែលគាត់ទិញក្នុងឆ្នាំ 2014 ក៏ប៉ុន្តែ អនុក្រិត្យរបស់រដ្ឋាភិបាល គឺចេញក្នុងឆ្នាំ2006 ដែលចាត់ទុកត្រង់នោះជាដីអាង ដោយឡែកគាត់បានមកជួបលោក អភិបាលតាមរយៈខ្ញុំជាជំនួយការរបស់លោក អភិបាលខណ្ឌ ពេលនោះ លោកអភិបាលបានឲ្យលោកគ្រូធ្វើ ប្រវត្តិរឿងដីនេះ ឲ្យគាត់។
Chau Linn LY Seyha ៖ ប្អូន លី សីហា ប្អូនកំពុងតែនិយាយខុស ពីការពិតហើយ ដីខ្ញុំបាទទិញតាំងពីឆ្នាំ ២០០៤ មកម្លេះ សូមប្អូនកែតម្រូវឡើងវិញ។ Sinath Hun LY Seyha ៖ ក្មួយប្រុសមីងដឹងថាពេលនេះ ក្មួយជាជំនួយការរបស់លោកអភិបាលខណ្ឌ ក្មួយការពារមេរបស់ក្មួយទាំងរឿងខលទូរស័ព្ទ ក៏ដូចរឿងលោកគ្រូទិញដីនេះ បើតាមមីងមើលដី របស់លោកគ្រូទិញក្នុងឆ្នាំ2004 ពីព្រោះមីងបានមើលលិខិតផ្ទេរសិទ្ធិកាន់កាប់ដីនេះ ក្មួយប្រុសមើលឡើងវិញផង ។
Sokonmuny Meas ៖ មើលឱ្យជាក់ចាំញាក់ចិញ្ចើម លោកជំនួយការ ។ Sinath Hun Sokonmuny Meas ៖ ពិតហើយគាត់ការពារមេ តែសុំត្រឹមយុត្តិធម៌ឲ្យលោកគ្រូផង ទៅគាត់ទិញមើលក្នុងលិខិតនេះផង បើក្មួយថាគាត់ទិញឆ្នាំ ២០១៤ វាអយុត្តិធម៌ ទិញក្រោយអនុក្រិត្យរបស់រដ្ឋាភិបាលចេញ ។ សូមមើលឡើងវិញ ។ Preng Satyaphireak Sinath Hun ៖ ដីទិញ2004 អនុក្រឹត្យ 2006 មកចង់កែថា 2014 លោកជំនួយការ។ Sinath Hun Preng Satyaphireak ៖ ចាសខ្ញុំមើលឃើញ តែគាត់ជំនួយការ បែបមើល ច្រឡំទេមើលទៅ ។ LY Seyha ៖ បាទអ្នកមីងក្មួយបានឃើញពិតមែន ក្នុងឯកសារលោកគ្រូ គឺពិតជាគាត់ទិញក្នុងអំឡុងឆ្នាំ2004 ពិតមែន គឺស៊ីញ៉េត្រឹមសង្កាត់។
LY Seyha ៖ ហើយមួយទៀត បើសិនជាមានការអភិវឌ្ឍន៍នៅនឹងកន្លែង គឺរដ្ឋាភិបាល និងជូនប័ណ្ណដល់គាត់ ហើយបើសិនជា រដ្ឋាភិបាលតម្រូវឲ្យមានកាថែរក្សាបឹងតូចបឹងធំ គឺរដ្ឋាភិបាលនិង មានការដោះដូរ គោលនយោបាយជូនគាត់ ដោយមានជាដីរួមទាំងថវិកា ចំពោះលោកអភិបាលគាត់និងព្យាយាមជួយលោកគ្រូ។ Sinath Hun LY Seyha៖ ចាសក្មួយសំណព្វមីង ដឹងតើថាក្មួយរបស់មីងម្នាក់នេះ ស្អប់រឿងអយុត្តិធម៌ដូចមីងដែរហ្នឹង មីងសូមអរគុណច្រើន ហើយដែលក្មួយថា លោកអភិបាលខណ្ឌព្យាយាមជួយលោកគ្រូ ។ Tang Sokheang ៖ ក្នុងនាមខ្ញុំជាកូនខ្មែរ ខ្ញុំសូមថ្លែងអំណរគុណយ៉ាងជ្រាលជ្រៅ ដល់លោកជំទាវ ហ៊ុន ស៊ីណាត ដែលបានជួយរក យុត្តិធម៌ដល់រាស្ត្រខ្មែរយើង ហើយពួកយើងខ្ញុំទាំងអស់ និង បន្តគាំទ្រនៅអំពើមនុស្សធម៌ របស់លោកជំទាវ ដែលបានជួយប្រជាជនខ្មែរ ដើម្បី វែកមុខមន្ត្រីអាក្រក់ និងពុករលួយ មិនគោរពច្បាប់ ដែលបង្កឲ្យអាប់ឱនដល់គណបក្ស ប្រជាជនយើង ដែលសម្ដេច ហ៊ុន សែន លោកបានចំណាយអស់កម្លាំងកាយចិត្ត ស្ដារឡើងវិញ។
ទោះជាបែបណាក៏ដោយ ចំពោះករណីនេះ បានធ្វើឲ្យរាស្ត្រជាច្រើន ជាពិសេសអ្នកប្រើប្រាស់បណ្ដាញសង្គមហ្វេសប៊ុក រិះគន់យ៉ាងចាស់ដៃ ទៅលើលោក ពេជ្រ កែវមុន្នី។ ម្នាក់ៗលើកឡើងពីមតិយល់ឃើញរៀងៗខ្លួន ប៉ុន្តែក្នុងន័យថា ឋានៈដល់ប្អូនស្រីសម្ដេចតេជោ ហ៊ុន សែន នាយករដ្ឋមន្ត្រីទៅហើយ នៅតេមិនលើកទូរស័ព្ទ ចុះទម្រាំរាស្ត្រសាមញ្ញវិញ ៕ ដោយ ៖ រចនា
