ខេត្តស្វាយរៀង៖ស្ត្រីម្នាក់បានស្លាប់ខណះនៅនឹងកន្លែងកើតហេតុ និងម្នាក់បានរងបួសស្រាល ដោយសារជួបករណីគ្រោះថ្នាក់ចរាចរណ៍រវាងរថយន្តដឹកតុរោងការ បើកបុកម៉ូតូពីក្រោយ កិនស្ត្រីរងគ្រោះ ហើយមិនអស់រយ៉ែថយក្រោយកិនថែមទៀត។ ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១១និង១០នាទី ព្រឹកថ្ងៃទី៨ ខែធ្នូ ឆ្នាំ២០១៧នេះ នៅចំណុចលើផ្លូវជាតិលេខ១គីឡូម៉ែត្រលេខ 137-138 ស្ថិតក្នុងភូមិ ប្រសូត្រ2 ឃុំ កណ្តៀងរាយ ស្រុក ស្វាយទាប ខេត្តស្វាយរៀង។
បើតាមប្រភពនៅកន្លែងបានអោយដឹងថា ៖ នៅមុនពេលកើតហេតុគេឃើញស្ត្រីរងគ្រោះទាំងពីជិះម៉ូតូមួយគ្រឿងម៉ាកហុងដាឌ្រីម សេចក្តី ស៊េរីឆ្នាំ2016 ពណ៌ខ្មៅ ស្លាកលេខ ស្វាយរៀង ១H ៥៧៤៧(មិនពាក់មួកសុវត្ថិភាព) ធ្វើដំណើរពីលិចទៅកើតស្របទិសគ្នាជាមួយរថយន្ត លុះមកដល់ចំណុចកើតហេតុខាងលើស្រាបតែរថយន្តបុកពីក្រោយពេញទំហឹងហើយកិនស្ត្រីរងគ្រោះពីលើមិនតែប៉ុណ្ណោះ គឺដាក់លេខរយ៉ែថយក្រោយកិនបន្ថែមទៀត ធ្វើឲ្យជនរងរបួសធ្ងន់និងដាច់ខ្យល់ស្លាប់នៅនឹងកន្លែងកើតហេតុតែម្តង។ ក្រោយពីបង្កហេតុរថយន្តមិនបានឈប់នោះទេ បន្តរត់គេចខ្លួនតែត្រូវសមត្ថកិច្ចដេញតាមចាប់ខ្លួនបានទាំងមនុស្សរថយន្ត។
សមត្ថកិច្ចបានឲ្យដឹងថា ៖ អ្នកបើកបររថយន្តមានឈ្មោះ ធុន សំបូរ ភេទប្រុស អាយុ25ឆ្នាំ ជនជាតិខ្មែរ មុខរបរ បើកបររថយន្តដឹកកម្មករ មានទីលំនៅ ភូមិជប់ ឃុំកណ្តៀងរាយ ខេត្តស្វាយរៀង គ្មានរបួសស្នាម។ បើកបររថយន្តម៉ាកហ៊ឹនដាយ ទំហំ 1តោន 50 ពណ៌ខៀវ ស្លាកលេខ ភ្នំពេញ ២AL ៥៧១៦ ទិសដៅពីលិចទៅកើត ។ភាគីខាងម៉ូតូឈ្មោះ វ៉ាន់ លីដា ភេទស្រី អាយុ 24ឆ្នាំ ជនជាតិខ្មែរ មុខរបរ កសិករ មានទីលំនៅភូមិ ពោធិ៍ថ្មី ឃុំ ស្វាយតាយាន ស្រុកស្វាយតាយាន ខេត្តស្វាយរៀង រងរបួសស្រាល បើកបរម៉ូតូម៉ាក អ្នករួមដំណើរ01 នាក់ឈ្មោះ រ័ត្ន មន្ទីរ៉េត ភេទស្រី អាយុ 60ឆ្នាំ មុខរបរ កសិករ រស់នៅភូមិឃុំជាមួយគ្នា បានស្លាប់នៅកន្លែងកើតហេតុ (មិនពាក់មួកសុវត្ថិភាព) ទិសដៅពីលិច ទៅកើត រីឯសាកសពបានបញ្ចូនទៅផ្ទះធ្វើបុណ្យតាមប្រពៃណី ។
ចំពោះមធ្យោបាយទាំង០២ ខាងជំនាញយកមករក្សាទុកនៅអធិការដ្ឋាននគរបាលស្រុកនិងកសាងសំណុំរឿងតាមនីតិវិធី៕ វ៉ៃកូ
