ក្រចេះ ៖ ស្នងការដ្ឋាននគរបាលខេត្តក្រចេះ នៅថ្ងៃទី២០ធ្នូនេះបានឲ្យដឹងថា បុរសដៃដល់ម្នាក់ ត្រូវបានកម្លាំងនគរបាលស្រុកឆ្លូង ចាប់ឃាត់ខ្លួនពីបទ ហឹង្សាដោយចេតនា បន្ទាប់ពីជនរូបនេះ បានយកដែកទីប មកវាយជនរងគ្រោះដល់ផ្ទះ បណ្តាលឲ្យរងរបួសធ្ងន់ត្រង់ក្បាល ក្រោយជម្លោះគ្នាតាមទូរស័ព្ទ។
ជនរូបនេះឈ្មោះ វែង សុខហ៊ាប អាយុ៣៥ឆ្នាំ បច្ចុប្បន្នរស់នៅឃុំកញ្ជរ ស្រុកឆ្លូង ត្រូវបាននគរបាលស្រុកឆ្លូង ចាប់ខ្លួនបានភ្លាមៗនៅថ្ងៃទី១៩ ខែធ្នូ បន្ទាប់ពីរូបគេ បានមកធ្វើសកម្មភាពវាយទៅលើជនរងគ្រោះម្នាក់ នៅនិងផ្ទះស្ថិតក្នុងព្រែកចម្លាក់ ឃុំកញ្ជរ ស្រុកឆ្លូង ក្រោយទំនាស់គ្នាតាមទូរស័ព្ទរឿងតេច្រឡំលេខ៕ ដោយ៖បញ្ញាស័ក្តិ
