កម្មកររ៉ែចំនួន ១៣នាក់បានស្លាប់បាត់បង់ជីវិត បន្ទាប់ពីមានការផ្ទុះឧស្ម័មមេតានក្នុងអណ្តូងរ៉ែ ស្ថិតនៅភាគខាងជើង ប្រទេសឆេក។ នេះបើតាមការបញ្ជាក់របស់ក្រុមហ៊ុនរុករករ៉ែ ប្រកាស់កាលពីថ្ងៃសុក្រម្សិលមិញ។
ក្រុមហ៊ុន OKD ដែលជាក្រុមហ៊ុនរុករករ៉ែ នៅអណ្តូង CSM ស្ថិតនៅក្បែរទីក្រុង Karvina បានប្រកាសថា ក្នុងចំនោមជនរងគ្រោះដែលបានស្លាប់បាត់បង់ជីវិតមាន ១១នាក់ជាជនជាតិប៉ូឡូញ និង ២នាក់ជាជនជាតិឆេក។
កម្មករចំនួន ១០ក៏បានរងរបួសក្នុងហេតុការណ៍ផ្ទុះនោះផងដែរ ហើយម្នាក់កំពុងស្ថិតក្នុងស្ថានភាពធ្ងន់ធ្ងរ។ នេះបើតាមការរាយការណ៍របស់ភ្នាក់ងារសារពត៌មានជាតិឆេក CTK។
អ្នកគ្រប់គ្រងក្រុមហ៊ុន OKD ឈ្មោះ Boleslav Kowalczyk បានបញ្ជាក់ថាប្រតិបត្តិការរុករក និងជួយសង្គ្រោះត្រូវបានផ្អាក ដោយសារតែស្ថានភាពមិនអំណោយផលនៅក្នុងអណ្តូងរ៉ែ។
នាយករដ្ឋមន្ត្រីឆេក លោក Andrej Babis និងនាយករដ្ឋមន្ត្រីប៉ូឡូញ លោក Mateusz Morawiecki បានធ្វើដំណើរទៅកាន់អណ្តូងរ៉ែកើតហេតុ កាលពីថ្ងៃសុក្រម្សិលមិញនេះ និងបានធ្វើការសំដែងការរំលែកទោសចំពោះការបាត់បង់ជីវិតរបស់កម្មកររ៉ែ៕ សុភ័ក្ត្រ
ប្រភព៖ CNN
