ភ្នំពេញ ៖ មហាជនលើបណ្តាញសង្គមហ្វេសប៊ុក បានរិះគន់យ៉ាងខ្លាំងទៅលើ តារាសម្ដែង និងជាDJ Mike ដែលនាំយក យាយ គ្រវីសក់ ភេទទី៣ថៃ មកចូលរួមកម្មវិធីសម្ពោធក្លឹបថ្មីរបស់ខ្លួនកាលពីពេលថ្មីៗនេះ។
លើបណ្តាញសង្គម បានលើកឡើងថា ដោយមហាជន និងអ្នកសិល្បៈមួយចំនួនបានរិះគន់ DJ Mike ថា រើសអើង និងមិនឲ្យតម្លៃតារាសម្ដែងនៅក្នុងប្រទេសខ្លួន បែរជាទៅជួយលើកស្ទួយតារាភេទទី៣ថៃទៅវិញ។ ខណៈតារាសម្ដែងភេទទី៣ កម្ពុជាមានរូបរាងស្រស់ស្អាតជាងតារាថៃមិនខ្វះ។ ហេតុអ្វីចូលចិត្តមើលរំលងរបស់ដែលនៅក្បែរខ្លួនដូច្នេះ។
គណនីមួយ បានរិះគន់ចំៗថា “អាប្រជាជនឆ្កួត អាពលរដ្ឋឡប់ល្ងីល្ងើ គាំទ្រណាស់អាភាពឆ្កួតលីលាអស់នេះ ស្រឡាញ់គាំទ្រណាស់មែនទេ? ចំជាឆ្កួតឡប់តពូជមែនអាកំពូជបាត់ដី”។
ឯផេកហ្វេសប៊ុកឈ្មោះMeas Saborn បានសរសេរថា “មិនហាមឃាត់ទេ គាំទ្រក៏គាំទ្រទៅ តែយើងគូរគិតទៅ បើគ្រាន់តែខ្ទើយកញ្ចាស់ម្នាក់ មុខដូចបង្កួយសមុទ្រ កាន់តែទូរស័ព្ទថត រាំគ្រវីសក់ដូចមនុស្សឆ្កួត យើងទៅគាំទ្របាក់ទឹកបាក់ដី តើយើងឆ្កួតតាមគាត់ដែរឬយ៉ាងណា?
ប្រទេសយើងមានប្រពៃណីវប្បធម៌ល្អផូរផង់ សិល្ប:យើងមានតាំងពីតារាជើងចាស់ ថ្មី និងឧបករណ៍ ទ្រ ចាប៉ី ខ្លុយ របាំបុរាណៗ ល្ខោនខោល ស្បែកតូចធំ ហើយម៉េចមិនខំនាំគ្នាគាំទ្រ បែរជានាំគ្នាមកគាំទ្រមនុស្សឆ្កួត គ្មានប្រយោជន៍អ្វីបន្តិចសោះ ដល់សង្គម ។
អ្នកដែលកំពុងតែអាន តើយល់អត់? ខ្ញុំអត់យល់ទេ ហេតុអ្វីសង្គមខ្មែរឲ្យតម្លៃអាវប្បធម៌មនុស្សឆ្កួត និងខ្លាំងម្ល៉េះ? តែបើកម្មវិធីមនុស្សធម៌ សិក្ខាសាលាអប់រំ ស្តីពីបរិបទសង្គម នយោបាយ តន្ត្រីបុរាណប្រមូលថវិកា ដើម្បីជួយសង្គម ចាំមើលបើមានក្បាលពួកអស់វានេះទៅមើលចុះ ។ មិនយល់ មិនយល់ទេ មិនយល់ទេ មិនយល់ទេ មិនយល់ទេ ?” ។
លោកអាចារ្យធំ គឺជាអ្នកវប្បធម៌ម្នាក់ដែរ តែងតែចេញមុខគ្រប់ពេលនៅរឿងរ៉ាវដែលពាក់ព័ន្ធ ជាមួយនិងរឿងវប្បធម៌នៅក្នុងប្រទេសកម្ពុជា ហើយនៅក្នុងពេលកន្លងមក លោកក៏បានដុតដៃដុតជើងយ៉ាងខ្លាំង ទៅនិងរឿងផ្សព្វផ្សាយ ទៅនិងការសម្តែងល្ខោនខោលវត្តស្វាយអណ្តែត ដែលទើបតែត្រូវបានអង្គការ យូណេស្កូចុះនៅក្នុងបញ្ជីបេតិកភណ្ឌវប្បធម៌អរូបីនោះ ដើម្បីឲ្យកូនខ្មែរគ្រប់រូបបានទស្សនា និងបានស្វែងយល់ពីសិល្បៈនិងវប្បធម៍របស់ខ្មែរយើង។
ហើយនៅក្នងពេលប៉ុន្មានថ្ងៃមុននេះ លោកក៏បានសម្តែងការហួសចិត្តយ៉ាងខ្លាំង ជាមួយនិងកូនខ្មែរ នៅក្នុងកម្មពិធីវប្បធម៌មួយឈ្មោះថាទិវាបេតិកភណ្ឌខ្មែរលើកទី៤ ដែលនៅក្នុងនោះ គេបានសង្កេតឃើញថា មានការស្វះស្វែងខ្លាំងមែនទែន ពីសំណាក់ក្រុមសម្តែងនិងអ្នករៀបចំកម្មពិធី ហើយនៅក្នុងនោះដែរ អ្វីដែរបានធ្វើឲ្យលោកមានការហួសចិត្តខ្លាំងនោះ គឺនៅពេលដល់ម៉ោងសម្តែងស្រាប់តែមានអ្នកចូលរួមទស្សនា ចំនួនតែ៤នាក់គត់ ហេតុដចនេះ ហើយទើបធ្វើឲ្យលោកមានការព្រួយបារម្មណ៍យ៉ាងខ្លាំងនៅការបាត់បងល្ខោនខោលរបស់ខ្មែរយើង។
ហើយនៅក្នុងពេលថ្មីនេះដែរ នៅក្នុងបណ្តាញផេកមួយដែរមានឈ្មោះថា កាហ្វេវប្បធម៌-សៀមរាប Culture Caféបានធ្វើការបង្ហោះនៅរូបភាពមួយសន្លឹកដែរ មើលទៅគឺពិតជាមានភាពដាច់ស្រឡះពីគ្នាខ្លាំងណាស់ ដោយនៅក្នុងរួបនោះមានរូបអ្នកគាំទ្រការសម្តែងរបស់តារាថៃ និងការសម្តែងល្ខោនខោល របស់ខ្មែរយើងដោយនៅក្នុងគណនីផេករស់ការហ្វេបានបង្ហោះសារដោយអបជាមួយរូបភាពថា ”អ្នកគាំទ្របានប្រហែលគ្នាល្អណាស់រវាងល្ខោនខោលខ្មែរ Vs. យាយសក់គ្រវី ហើយន្ទាប់ពីបានឃើញរូបភាពដែរ មានអត្ថន័យមួយសន្លឹកនេះ ហើយបានធ្វើឲ្យបងប្អូនខ្មែរមានការស៊ែរចែករំលែគ្នា យ៉ាងច្រើននៅលើបណ្តាញសង្គម និងបានបញ្ចេញមតិយោបល់ ទៅតាមការយល់ឃើញរៀងៗខ្លួនផងដែរ។ តើអ្នកមានអារម្មណ៍យ៉ាងណាដែរនៅពេលដែលបានឃើញទិដ្ឋភាពនៅក្នុងវីដេអូបែបនេះ។
មិនស្អប់យាយហ្នឹងទេ តែជ្រេញអ្នកក្នុងស្រុកខ្លះៗ។ ងាកទៅមើលតារាៗមួយចំនួនដេកពេទ្យអត់មានអ្នកជួយវិញ សែនខ្លោចចិត្តជំនួស។ បើមានតែ20%នៃអ្នកគាំទ្រហ្នឹងទៅជួយវិញមិនដឹងជាល្អបែបណា។
កាលពីយប់មិញនេះ Dj Mike បានដឹកដៃ យាយគ្រវីសក់ ទៅកាន់ខេត្តសៀមរាប ដើម្បីចូលរួម នៅកន្លែងកម្សាន្តមួយកន្លែងទៀតគឺនៅ ផ្សាររាត្រីកុងទីន័រផាម (Palm Container Night Market)។ ក្នុងនោះអ្វីដែលធ្វើឲ្យយាយាគ្រវីសក់រំភើបចិត្តស្ទើរស្រក់ទឹកភ្នែកនោះ គឺមានអ្នកចូលរួមនៅខេត្តសៀមរាបនោះទទួលស្វាគមន៍យ៉ាងច្រើនកុះករ ស្ទើរតែមិនគួរឲ្យជឿ ព្រមទាំងមានអ្នកព្យាយាមសុំថតរូបជាមួយជាច្រើននាក់ថែមទៀតផង។
ការប្រគំតន្ត្រីយប់មិញនេះ ពិតជាមានភាពសប្បាយរីករាយខ្លាំងណាស់ ព្រមជាមួយស្ទីលគ្រវីសក់មើលទៅពិតជាប្លែកភ្នែក មិនត្រឹមតែប៉ុណ្ណោះទេ អ្នកចូលរួមបានឡើងលើឆាកសម្តែងលេងជាមួយគ្រវីសក់ថែមទៀតផង។ បើមានឱកាសគាត់នឹងមកម្តងទៀត។ Dj Mike ធ្លាប់បានបញ្ជាក់រួចមកហើយថា បើមានឱកាសលោកនឹងនាំយាយគ្រវីសក់មកសម្តែងនៅស្រុកខ្មែរទៀត។
ឆ្លើយតបចំពោះការរិះគន់នេះ DJ Mike បញ្ជាក់ថា ខ្លួនមិនបានរើសអើងតារាសម្ដែងភេទទី៣កម្ពុជាឡើយ ហើយមូលហេតុដែលយក យាយគ្រវីសក់ មករាំបង្ហាញរាងក្នុងពិធីសម្ពោធក្លឹបខ្លួនក៏មិនបានគិតទៅលើភាពស្រស់ស្អាតជាច្បងដែរ។ អ្វីដែលសំខាន់អំឡុងពេលនេះ យាយគ្រវីសក់ កំពុងតែមានភាពល្បីល្បាញខ្លាំងក្នុងបណ្ដាញទំនាក់ទំនងសង្គមហ្វេសប៊ុកទើបលោក អញ្ជើញមកកម្ពុជា។
លោកថា៖” អ្នកខ្លះគាត់រិះគន់ថា ហេតុអ្វីមិនយកតារាភេទទី៣កម្ពុជាទៅស្អាតៗមិនខ្វះ យាយគ្រវីសក់មិនបានមួយចំណិតភេទទី៣ខ្មែរផង។ តែខ្ញុំសុំនិយាយបន្តិច ខ្ញុំយកគាត់មកនេះ មិនបានគិតទៅលើរឿងស្អាតទេ តែគិតទៅលើភាពល្បីល្បាញរបស់គាត់ទៅវិញទេ”។ ដូច្នេះលោក សុំចិត្តមហាជនកុំគិតថា ខ្លួនលើកស្ទួយតារាសម្ដែងភេទទី៣ថៃ ហើយទម្លាក់តម្លៃតារាភេទទី៣ដែលជាជាតិសាសន៍ខ្លួនឯងអី។ សូម្បីតែលោក កាលពីពេលថ្មីៗនេះក៏ត្រូវបានប្រទេសថៃអញ្ជើញឲ្យទៅចូលរួមកម្មវិធីគេដែរ តែគ្មានអ្នកណារិះគន់ដូចពេលយកយាយគ្រវីសក់ មកកម្ពុជាឡើយ៕ ដោយ ៖ រចនា