ប្រទេសឥណ្ឌូនេស៊ីទើបតែរងការវាយប្រហារដោយរលកស៊ូណាមិកាលពីយប់ថ្ងៃសៅរ៍ កន្លងទៅនេះ ដែលបណ្តាលឲ្យមនុស្សរាប់រយនាក់ស្លាប់ រងរបួស និងបាត់ខ្លួន ប៉ុន្តែអ្នកជំនាញបានធ្វើការព្រមានថា រលកស៊ូណាមិផ្សេងទៀត អាចនឹងវាយប្រហារប្រទេសឥណ្ឌូនេស៊ីម្តងទៀត។
អ្នកជំនាញព្រមានថា សកម្មភាពផ្ទុះរបស់ភ្នំភ្លើងនៅតែបន្ត ដូច្នេះវាអាចមានស៊ូណាមិផ្សេងទៀត កើតឡើងដែលមិនគួរឲ្យជឿ។
អ្នកជំនាញឈ្មោះ Richard Teeuw មកពីសកលវិទ្យាល័យក្នុងប្រទេសអង់គ្លេសបថា “ការកើតឡើងរលកស៊ូណាមិនៅច្រកសមុទ្រ Sunda Strait នៅមានកំរិតខ្ពស់ ខណៈភ្នំភ្លើង Anak Krakatoa កំពុងមានសកម្មភាព ហើយដូច្នេះវាអាចធ្វើឲ្យមានការបាក់ដីនៅក្នុងសមុទ្រ “។
ចំណែកអ្នកជំនាញម្នាក់ទៀតឈ្មោះ Jacques-Marie Bardintzeff មកពីសកលវិទ្យាល័យ Paris-South ក៏បានធ្វើការព្រមានផងដែរ និងបញ្ជាក់ថា ពួកយើងត្រូវប្រយ័ត្នពួកភ្នំភ្លើងកំពុងតែមានសកម្មភាព៕ សុភ័ក្ត្រ
ប្រភព៖ Channelnewsasia
