ភ្នំពេញ ៖ កម្លាំងនគរបាលខណ្ឌដូនពេញ បានបើកប្រតិបត្តិការបង្ក្រាករណីជួញដូរគ្រឿងញៀន នៅចំណុចសំណង់មិនរាបរយ ផ្លូវរថភ្លើង ភូមិ២ សង្កាត់ស្រះចក លុះមកដល់វេលាម៉ោង០៩និង៣០នាទី ថ្ងៃទី២៤ ខែធ្នូ ឆ្នាំ២០១៨ ដោយបានឃាត់ខ្លួនជនសង្ស័យម្នាក់ជាស្រីស្អាតសាច់សខ្ចី។
លោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញ បានឲ្យដឹងថា សមត្ថកិច្ចបានឃាត់ខ្លួនជនសង្ស័យម្នាក់ឈ្មោះហេង ស្រីង៉ា ហៅស្រីកា ភេទស្រី អាយុ១៩ឆ្នាំ ជនជាតិខ្មែរ ស្នាក់នៅផ្ទះគ្មានលេខ សង្កាតបឹងសាឡាង ខណ្ឌទួលគោក មុខរបរជួញដូរគ្រឿងញៀន។ វត្ថុតាងចាប់យករួមមានៈ ក្រាមពណ៌សថ្លា (គ្រឿងញៀន)ចំនួន ៧កញ្ចប់ ក្នុងនោះមានកញ្ចប់ធំ១ ជញ្ជីងថ្លឹងគ្រឿងញៀនចំនួន១ ឧបករណ៍ប្រើប្រាស់សម្រាប់សេពគ្រឿងញៀនមួយចំនួន ថង់សម្រាប់ច្រកគ្រឿងញៀនធ្វើសកម្មភាព មួយចំនួន ប្រាក់រៀលចំនួន១៣០.០០០រៀល។
បច្ចុប្បន្នជនសង្ស័យកម្លាំងជំនាញកំពុងយកចម្លើយបន្តស្រាវជ្រាវរកបក្ខពួកនិង ក្រុមដទៃផ្សេងទៀត ព្រមទាំងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ៕ ដោយ ៖ បញ្ញាស័ក្តិ
