អតីតមិត្តប្រុសរបស់តារាម៉ូដែល Pailin Yokklin អាចត្រូវបានចោទប្រកាន់ដោយប៉ូលីស ពីបទចាប់ជំរិតឪពុករបស់នាងដែលមានជំងឺ ដើម្បីជាការ «ដោះស្រាយ» ជាមួយការចែកផ្លូវគ្នា ។
យោងតាមប្រភពព័ត៌មាន បានឲ្យដឹងថា តារាម៉ូដែលស្រីរូបស្រស់នាង Pailin Yokkin អាយុ ២៣ ឆ្នាំ រស់នៅក្នុងខេត្ត Kanchanaburi (ថៃ) បានដាក់ពាក្យបណ្តឹងមួយទៅកាន់ប៉ុស្តិ៍ប៉ូលីស ប្រឆាំងនឹងអតីតមិត្តប្រុសរបស់នាងអាយុ ៣៣ ឆ្នាំ ពីបទចោទប្រកាន់ថាបានចាប់ជំរិតឪពុកមានជំងឺរបស់នាង ។
អតីតមិត្តប្រុសរបស់នាងឈ្មោះថា Sukhum Manaim ត្រូវចាត់ចូលក្នុងបញ្ជីបទល្មើស បន្ទាប់ពីគាត់ត្រូវបានចោទប្រកាន់ចាប់ពង្រត់ឪពុករបស់នាង ។ បន្ទាប់ចាប់ជំរិត និងដោះលែងលោក Komin អតីតមិត្តប្រុសតារាម៉ូដែលរូបនេះបានរត់គេចខ្លួន ទៅកាន់កន្លែងមិនស្គាល់មួយ ។
Pailin បាននិយាយថា នាងគិតថា អតីតមិត្តប្រុសរបស់នាង បានប្រគល់ឪពុករបស់នាងមកវិញ ដោយសារស្ថិតក្រោមសម្ពាធសាធារណៈជន បន្ទាប់ពីនាងបង្ហោះនៅលើហ្វេសប៊ុក ប្រាប់បងប្អូនឲ្យដឹងអំពីករណីនេះ ។
នាងបន្តថា Sukhum បានចាប់ជំរិតឪពុករបស់នាង ២ លើក នៅក្នុងរយៈពេល ៣ សប្តាហ៍ មុន នៅពេលពួកគេបានកើតជម្លោះបែកបាក់គ្នា ៕ ចន្ទី