មនុស្សចំនួន ៨នាក់បានស្លាប់បាត់បង់ជីវិត ក្រោយពេលរថយន្តក្រុងមួយក្រុងដែលត្រូវបានចោរលួច បានបុករះលើអ្នកដំណើរថ្មើរ ជើង ស្ថិតក្នុងទីក្រុង Longyan នៃខេត្ត Fujian ភាគខាងត្បូងប្រទេសចិន។ នេះបើតាមការបញ្ជាក់របស់អាជ្ញាធរចិនកាលពីថ្ងៃអង្គារម្សិលមិញនេះ។
បន្ទាប់ពីមានហេតុការណ៍បុកនោះ ប៉ូលីសបានចាប់ និងឃុំខ្លួនបុរសម្នាក់ដែលមានកាំបិតនៅកន្លែងកើតហេតុ ហើយអាជ្ញាធរកំពុងធ្វើការស៊ើបអង្កេត។
មនុស្សចំនួន ២១នាក់ផ្សេងទៀតក៏បានរងរបួសក្នុងការបុករះនោះផងដែរ។
អាជ្ញាធរបញ្ជាក់ថា ជនល្មើសបានធ្វើការសងសឹកលើសង្គម ក្រោយពេលមានជម្លោះជាមួយនឹងមន្ត្រីប្រចាំតំបន់ ជុំវិញប្រាក់អត្ថប្រយោជន៍របស់ឪពុករបស់ខ្លួន ដែលជាទាហ៊ានចាស់។
ទោះយ៉ាងណា អាជ្ញាធរនៅតែធ្វើការស៊ើបអង្កេត៕ សុភ័ក្ត្រ
ប្រភព៖ CNN