មនុស្សគ្រប់រូបសុទ្ធតែធ្លាប់យំ ហើយមូលហេតុដែលបណ្តាលឲ្យយើងម្នាក់ៗយំ អាចមកពីមូលហេតុខុសៗគ្នា។ អ្នកខ្លះ យំដោយសារតែមានវិបត្តិប៉ះពាល់ផ្លូវចិត្ត អ្នកខ្លះទៀត យំដោយសារមានអារម្មណ៍រំភើប និងរីករាយខ្លាំង។
នៅពេលរាងកាយមានប្រតិកម្មផ្លូវចិត្ត ប្រព័ន្ធខាងក្នុង នឹងបញ្ចេញអ័រម៉ូន ដើម្បីជំរុញដល់តំបន់គ្រាប់ភ្នែកបញ្ចេញទឹកភ្នែក។ ខាងក្រោមនេះ គឺជារឿងមួយចំនួន ដែលអាចនឹងកើតមាន លើរាងកាយអ្នក នៅពេលអ្នកយំ។
មានអារម្មណ៍ធូរស្រាលវិញទឹកភ្នែកដែលហូរមក ដោយសារប្រតិកម្មផ្លូវចិត្ត នឹងបញ្ចេញសារធាតុ Leucin-enkephalin ដែលជាអ័រម៉ូន Endorphin ដែលអាចបង្កើនអារម្មណ៍កាន់តែល្អ និងបន្ថយការឈឺចាប់បាន។ រឿងនេះនឹងជួយសម្រួលអារម្មណ៍កាន់តែល្អ ហើយក៏លែងសូវស្ត្រេសដូចមុនដែរ។ ដូច្នេះ គ្រប់ពេលដែលគេនិយាយថា នៅពេលអ្នកមានអារម្មណ៍តានតឹងខ្លាំង គេតែងតែឲ្យអ្នកយំ នោះវានឹងធ្វើឲ្យធូរស្រាលវិញ។
មានអារម្មណ៍មួយផ្សេងនៅពេលមនុស្សយើងយំ ខួរក្បាលនឹងបញ្ចេញអ័រម៉ូន Cortisol ដែលមានន័យថា ធ្វើការកាន់តែខ្លាំង។ ដូច្នេះ វាអាចនឹងជួយឲ្យអារម្មណ៍ស្ងប់ទៅវិញបាន មុនពេលអ្នកនិយាយអ្វីមួយ ចេញឲ្យអ្នកដទៃលឺ។
សំឡេងកាន់តែខ្លាំងតើអ្នកធ្លាប់ឆ្ងល់ថា ហេតុអ្វីបានជាអ្នក មានអារម្មណ៍ថាអួលដើមក នៅពេលយំដែរទេ? មានន័យថា សំឡេងរបស់អ្នក កំពុងតែអាចបង្កើនទម្ងន់របស់វាហើយ។ អ័រម៉ូន Cortisol ក៏អាចបង្កើត ជាសម្ពាធក្នុងបំពង់ក និងកាត់បន្ថយចង្វាក់ នៃការដកដង្ហើមទៀត។
ការយំអាចសម្លាប់បាក់តេរីបានទឹកភ្នែកមានសារធាតុ Lysozyme ដែលមានដូចក្នុងទឹកកាម ទឹកសំបោរ ទឹកមាត់ និងទឹកដោះមនុស្សដែរ ដែលអាចសម្លាប់បាក់តេរីរហូតដល់ ៩០ ភាគរយក្នុងរយៈពេល ១០ នាទី។
បញ្ជូនសញ្ញាទៅកន្លែងផ្សេងៗទៀត ការយំនឹងផ្លាស់ប្តូរទឹកមុខ ដូច្នេះ មនុស្សជុំវិញនឹងដឹងថា អ្នកកំពុងតែមានការឈឺចាប់ក្នុងចិត្តហើយ។ ហេតុដូច្នេះហើយ នៅពេលអ្នកមានអារម្មណ៍មិនល្អ វាតែងតែធ្វើឲ្យអ្នកដទៃ ឆាប់យល់ដឹងណាស់៕ សុភ័ក្ត្រ
ប្រភព៖ health
