ស្ត្រីជនជាតិអាហ្សង់ទីនម្នាក់ ដែលត្រូវបានក្រុមជួញដូរមនុស្សចាប់ពង្រាត់ទៅក្នុងទសវត្សន៍ឆ្នាំ ៨០ ត្រូវបានជួយសង្គ្រោះ និងបានជួបជុំគ្រួសារគាត់វិញហើយ បន្ទាប់ពីមានប្រតិបត្តិការជួយសង្គ្រោះពីប៉ូលីសអាហ្សង់ទីន និងបូលីវី។
គ្មាននរណាដឹងពីទីតាំងរបស់ស្ត្រីរងគ្រោះខាងលើឡើយ ប៉ុន្តែកាលពីដើមឆ្នាំនេះ ប៉ូលីសទទួលបានតំរុញថា គាត់ស្ថិតនៅក្នុងទីក្រុង Bermejo ភាគខាងត្បូងប្រទេសបូលីវី ហើយបន្ទាប់មកប៉ូលីសបានរកឃើញផ្ទះមួយ កន្លែងដែលគាត់ត្រូវបានគេឃុំខ្លួន។
ស្ត្រីរងគ្រោះខាងលើបច្ចុប្បន្នមានអាយុ ៤៥ឆ្នាំ។ គាត់ត្រូវបានរំដោះជាមួយនឹងកូនប្រុសអាយុ ៩ឆ្នាំម្នាក់ ពីផ្ទះមួយខ្នងស្ថិតក្នុងទីក្រុងខាងលើ។
អត្ថសញ្ញាណរបស់ម្តាយកូនមួយខាងលើ មិនត្រូវបានប៉ូលីសបង្ហាញនោះទេ។
គាត់ត្រូវបានគេបញ្ជូនអោយទៅជួបជុំគ្រួសាររបស់គាត់វិញកាលពីពេលថ្មីៗនេះ បន្ទាប់ពីត្រូវបានជួយសង្គ្រោះកាលពីដើមខែ។
សេចក្តីថ្លែងការណ៍របស់ប៉ូលីសមិនបានបញ្ជាក់ថាតើនរណាជាអ្នកនៅពីក្រោយខ្នងនៃការពង្រាត់ស្ត្រីខាងលើ កាលពី ៣២ឆ្នាំមុននោះទេ៕ សុភ័ក្ត្រ
ប្រភព៖ BBC