ខេត្តបាត់ដំបង ៖ រថយន្តដឹកដី និង រថយន្តដឹកជ្រូក បានបើកបុកគ្នាបណ្តាលឲ្យរថយន្តដឹកជ្រូក ក្រឡាប់បះជើង ធ្វើឲ្យជ្រូកជាច្រើនក្បាលងាប់ និងរបួស ប៉ុន្តែមិនប៉ះពាល់ ដល់អាយុជីវិតមនុស្សឡើយ ដែលករណីគ្រោះថ្នាក់ចរាចរនេះកើតឡើង លើដងផ្លូវជាតិលេខ៥ ក្នុងភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង នៅព្រឹកថ្ងៃទី១មករា២០១៩នេះ។
គ្រោះថ្នាក់ចរាចរនេះ រថយន្តដឹកដីបើកលើ ដងផ្លូវជាតិលេខ៥ មកពីខាងជើង ប៉ះជាមួយរថយន្តដឹកជ្រូក ដែលមកពីខាងត្បូង បណ្តាលឱ្យរថយន្តដឹកជ្រូក ក្រឡាប់ងាប់ និងរបួស ជាច្រើនក្បាល។ ឯ តៃកុងរថយន្តទាំង២ បានរត់គេចខ្លួនបាត់អស់៕ ដោយ ៖ បញ្ញាស័ក្តិ
