នៅពេលអាកាសធាតុចុះត្រជាក់ខ្លាំង យើងគ្រប់គ្នាងាយនឹងឆ្លងជំងឺផ្តាសាយខ្លាំងណាស់។ ទោះយ៉ាងណា ក៏យើងអាចមានវិធីមួយចំនួនដើម្បីការពារខ្លួនពីជំងឺនេះផងដែរ។
ខាងក្រោមនេះ CEN នឹងបង្ហាញពីវិធីសាស្ត្រងាយៗ ដែលអាចការពារខ្លួនអ្នក មិនឲ្យកើតជំងឺផ្តាសាយបាន។ វិធីទាំងនោះរួមមានដូចជា ៖
– ប្រើប្រាស់ទឹកក្តៅឧណ្ហៗ និងសាប៊ូ លាងសម្អាតដៃជាញឹកញាប់។ ចូរចំណាយពេលលាងសម្អាតយ៉ាងហោចណាស់ ២០វិនាទី ។
– មិនត្រូវប្រើប្រាស់សម្ភារៈប្រើប្រាស់ក្នុងផ្ទះបាយរួមគ្នា ឬពែងរួមគ្នាជាមួយអ្នកដែលមានជំងឺឡើយ។ ចូរចៀសវាងការថើប ឬទំនាក់ទំនងស្និទ្ធស្នាលផ្សេងៗទៀត ។
– មិនត្រូវយកដៃដែលមិនបានលាងសម្អាតទៅប៉ះពាល់នឹងមាត់ ច្រមុះ ភ្នែក ឬមុខឡើយ ។
– នៅពេលអ្នកក្អក ឬកណ្តាស ចូរប្រើប្រាស់ក្រដាសដើម្បីគ្របមុខ ឬច្រមុះ ហើយចោលវាភ្លាមក្រោយពីប្រើរួច ។
– ចូរសម្អាតមេរោគនៅរបស់របស់ដែលប៉ះពាល់រួចដូចជា តុក្កតាក្មេងលេង ជាដើម៕ សុភ័ក្ត្រ
ប្រភព ៖ health
