…នៅមហាវិទ្យាល័យច្បាប់ទីក្រុងហូជីមីញ មនុស្សម្នាបច្ចុប្បន្នតែងមានការងឿងឆ្ងល់នឹងទម្រឈើឆ្កាងរបស់ព្រះវិហាចំណាស់ Fatima កាលពីអតីតកាលបន្តឈរយ៉ាង “សង្ហារ” នៅកណ្តាលទីលានសាលា ។ រឿងរ៉ាវចម្លែកនេះ ផ្តើមចេញពី “អាថ៌កំបាំង” មួយដែលគេតែងប្រឹងបិទបាំង ។
ទម្រឈើឆ្កាង ដែលគ្មានវិធីបំបាត់ចោលបាន ទើបន្តស្ថិតនៅកណ្តាលមហាវិទ្យាល័យច្បាប់ ។
ងាកទៅកាន់អតីតកាលវិញ Fatinca Binh Trieu ជាព្រះវិហារគ្រិស្តសាសនារបស់ព្រះម៉ែ ម៉ារីយ៉ា ។ នាខែឧសភា ឆ្នាំ ១៩៦២ ចលនាអន្តរជាតិ នៃសាសនិក Fatinca បានរៀបចំពិធីដង្ហែរបដិមារព្រះម៉ែ Maria តាមប្រទេសជាច្រើនលើពិភពលោក ។
នៅពេលឆ្លងកាត់ប្រទេសវៀតណាមខាងត្បូងពេលនោះ ក្បួនដង្ហែរត្រូវបានដឹកនាំដោយគ្រូគង្វាល Phaolo Vovan Bo បានធ្វើពិធីដង្ហែរសំដៅទៅផ្ទៃដី ១២,៥ ហិកតា នៅជិតស្ថានីយ៍រថភ្លើង Binhtrieu ដើម្បីសាងសង់ព្រះវិហារតម្កល់បដិមារ Maria ។
ក្រោយមកគេបានចម្លាក់បដិមាព្រះម៉ែ Maria Fatima នៅព័រទុយហ្កាល់ ដើម្បីយកមកតម្កល់នៅទីកន្លែងខាងលើ ទុកគោរពបួងសួង ។ ថ្ងៃទី ១៥ ខែសីហា ឆ្នាំ ១៩៦៦ គេបានរៀបចំកន្លែងរង់ចាំទទួល ។ ថ្ងៃទី ៨ ខែធ្នូ ឆ្នាំ ១៩៦៦ ព្រះវិហារត្រូវបានចាប់ផ្តើមសាងសង់ ដោយមានទម្រជួងមានឈើឆ្កាងកម្ពស់ ៣០ម៉ែត្រ… ។
ចាប់ផ្តើមពីពេលនោះមកព្រះវិហារនេះកើតមាន អភូត្តហេតុជារឿយៗ ។ ម្តងនោះពេលក្បួនដង្ហែរព្រះម៉ែ Fatima មួយបានឆ្លងកាត់ទីនេះ ស្រាប់តែគ្រឿងយន្តទាំងអស់ (រថយន្ត ម៉ូតូ) របស់ក្បួនសុទ្ធត្រូវរលត់ម៉ាស៊ីន ធ្វើបែបណាក៏មិនអាចបញ្ឆេះបាន ។
គ្រូគង្វាល Ngyen Van Binh ដែលជាមេដឹកនាំក្បួនបានបួងសួងថា ៖ “សូមឲ្យព្រះម៉ែអនុញ្ញាតដល់ក្បួនដង្ហែរពួកកូនបានប្រព្រឹត្តទៅចប់សព្វគ្រប់ ថ្ងៃក្រោយពួកកូននឹងបង្កើតមជ្ឈមណ្ឌលមួយគោរពសក្ការៈព្រះម៉ែ នៅតំបន់នេះ!” ។
បួងសួងចប់មិនបានប៉ុន្មានផងគ្រឿងយន្តទាំងអស់ស្រាប់តែដំណើរការវិញបាន ។
ថ្ងៃទី ៧ ខែមករា ឆ្នាំ ១៩៧៣ អគ្គគ្រូគង្វាល Nguyen Van Binh បានធ្វើជាអធិបតីក្នុងពិធីសម្ភោធព្រះវិហារត្រូវបានសាងសង់ ឆ្លើយតបនឹងការបួងសួង ។ ពីពេលនោះមកវាក៏ក្លាយជាមជ្ឈមណ្ឌលប្រមូលផ្តុំរបស់ព្រះម៉ែ Fatima ។
ក្រោយពេលវៀតណាមខាងត្បូងត្រូវបានរំដោះ របបកុម្មុយនីស្តក៏ចូលកាន់កាប់ហើយប្រែក្លាយទីនេះជាមហាវិទ្យាល័យច្បាប់ ។ ថ្មីៗនេះមហាវិទ្យាល័យបានរៀបចំគំរោងសាងសង់ថ្មី ។
ប៉ុន្តែទម្រជួង និងឈើឆ្កាងពុំអាចកម្ទេចចោលបាន ហើយពុំមែនគេពុំបានកម្ទេចនោះទេ ប៉ុន្តែឲ្យតែគ្រឿងចក្រចូលប្រុងកម្ទេចនោះ ស្រាប់តែម៉ាស៊ីនរបស់វាត្រូវ… រលត់ ។ ហេតុនេះទើបវានៅឈរយ៉ាងរឹងមាំមកទល់បច្ចុប្បន្ន ។
បន្ទប់មួយដែលជាកន្លែងប្រារព្ធពិធីនៃព្រះវិហារ Fatima មុននេះត្រូវបានគេភ្ជិតជិតលែងឲ្យចេញចូល ព្រោះថាមុននោះគេបានប៉ងវាយកម្ទេចច្រើនលើក តែពុំសម្រេច ។
អ្នកមានជំនឿគេនិយាយថា សាសនារបស់ព្រះយេស៊ូ មានអាយុកាលជាង ២០០០ឆ្នាំហើយ ហើយបានឆ្លងកាត់នូវរបបជាច្រើនតែគ្មានរបបណាកម្ទេចសាសនានេះចោលបានទេ ។
មិនបាក់យល់ទេ ព្រោះសាសនានេះជារបស់ព្រះយេស៊ូ ។ លើលោកមានសាសនាជាច្រើន ហើយសាសនានីមួយៗតែងបង្កប់នូវអាថ៌កំបាំងដោយឡែកពីគ្នា ។ វាជាព្រលឹងរបស់អ្នកដែលមានជំនឿកសាងឡើងកាន់តែរឹងមាំទៅៗជានិច្ច ៕ ចន្ទ្រា
