ភ្នំពេញ ៖ គិតត្រឹមថ្ងៃទី១៦ ខែមករា ឆ្នាំ២០១៩នេះ ក្រសួងបានត្រូតពិនិត្យឃើញថា រោងចក្រ សហគ្រាសចំនួន ៨១ភាគរយ បាននិងកំពុងអនុវត្ត ការបើកប្រាក់ឈ្នួលជូនកម្មករនិយោជិតចំនួន ២ដង ក្នុងមួយខែ ។
ក្រសួងការងារ និងបណ្ដុះបណ្ដាលវិជ្ជាជីវៈ បានចេញសេចក្ដីប្រកាសព័ត៌មានថា ចាប់ពីខែមករា ឆ្នាំ២០១៩ តទៅ គ្រប់សហគ្រាស រោងចក្រទាំងអស់ត្រូវបើកប្រាក់ឈ្នួលសុទ្ធសាធចំនួន ៥០ភាគរយ ដល់កម្មករនិយោជិតរបស់ខ្លួន នៅចន្លោះថ្ងៃទី១៦-១៩ ខែមករា នៃខែនីមួយៗ និងត្រូវបើកប្រាក់ឈ្នួលសរុប ដែលនៅសល់ឱ្យដល់កម្មករនិយោជិត នៅចន្លោះថ្ងៃទី១-៧ នៃខែបន្ទាប់៕ ដោយ ៖ បញ្ញាស័ក្តិ