មហាអំណាចពិភពលោក សហរដ្ឋអាមេរិច និងចក្រភពអង់គ្លេស ទើបតែបានបញ្ចប់សមយុទ្ធរយៈពេល ៦ថ្ងៃកាលពីថ្ងៃពុធម្សិលមិញនេះ នៅសមុទ្រចិនខាងត្បូង ដែលសមយុទ្ធដ៏កម្រនោះទំនងជាធ្វើឲ្យមហាយក្សចិនខាងយ៉ាងខ្លាំង។
នៅក្នុងសេចក្តីប្រកាសកាលពីថ្ងៃពុធ យោធាអាមេរិចបានប្រកាសថា នាវាពិឃាតបំពាក់មីស៊ីល USS McCampbelll និងនាវាចំបាំង HMS Argyll បានធ្វើសមយយុទ្ធជាមួយគ្នានៅសមុទ្រចិនខាងត្បូងចាប់ពីថ្ងៃទី ១១ ដល់ ១៦។
បើតាមសេចក្តីប្រកាស នាវាទាំងពីរបានធ្វើសមយុទ្ធទំនាក់ទំនងគ្នា យុទ្ធសាស្ត្របំបែកគ្នា និងការផ្លាស់ប្តូរនាវិក ដើម្បីបង្កើនទំនាក់ទំនងរវាងកងនាវានៃប្រទេសទាំងពីរ។
អាមេរិចបានធ្វើប្រតិបត្តិការសេរីភាពនៃនាវាចរណ៍ និងសមយុទ្ធយ៉ាងទៀតទាត់នៅក្នុងសមុទ្រចិនខាងត្បួង ដើម្បីបញ្ជាក់ពីសិទ្ធីសេរីភាពនៃការធ្វើដំណើររបស់ខ្លួននៅក្នុងតំបន់ ប៉ុន្តែចក្រភពអង់គ្លេសវិញ ទើបតែមានវត្តមាននៅដែនសមុទ្រមានជម្លោះ ក្នុងសមុទ្រចិនខាងត្បូង។
រដ្ឋមន្ត្រីការពារជាតិអង់គ្លេសGavin Williamson ធ្លាប់បានបង្ហើបពីគំនិតចង់បង្កើតមូលដ្ឋានយោធាថ្មីរបស់អង់គ្លេសនៅក្នុងតំបន់អាស៊ីង។ លោកបានបង្ហើបវានៅក្នុងកិច្ចសម្ភាសន៍កាលពីដើមឆ្នាំនេះ៕ សុភ័ក្ត្រ
ប្រភព៖ CNN