យោងតាមសារព័ត៌មានថៃ បានឲ្យដឹងថា អ្នកគ្រូក្រមុំរូបស្អាតម្នាក់ ត្រូវបានជនល្មោភកាមម្នាក់ សម្លាប់ចោលយ៉ាងព្រៃផ្សៃ បន្ទាប់ពីនាងបានបដិសេធ និងតដៃពីការប៉ុនប៉ងរំលោភរបស់វា ។ ហេតុការណ៍ដ៏សាហាវនេះបានកើតឡើងនៅក្នុងស្រុក Kaeng Khoi ខេត្ត Saraburi ប្រទេសថៃ ។
ប៉ូលីសខេត្ត Saraburi បានឲ្យដឹងថា នារីរងគ្រោះមានឈ្មោះ Chatree Rueng Sungnern អាយុ ២៧ ឆ្នាំ ជាគ្រូបង្រៀនថ្នាក់ទី៥ និងត្រូវបានឃាតករសម្លាប់ នៅក្នុងបន្ទប់ជួលរបស់នាង ។
ក្រោយមក សមត្ថកិច្ចបានឈានចាប់ខ្លួនឃាតករ ដែលបានសារភាពសម្លាប់នារីរងគ្រោះ ។ ជនរូបនោះបានប្រាប់សមត្ថកិច្ចថា ខណៈខ្លួនព្យាយាមប៉ុនប៉ងរំលោភ ប៉ុន្តែ ជនរងគ្រោះបានបដិសេធ និងបានតដៃ ហេតុនេះ រូបគេក៏បានជ្រុលដៃសម្លាប់នាងតែម្តង ៕ ឧត្តម
