ការបាក់ដៃ បាក់ជើង ត្រកៀក កដៃ និងឆ្អឹងខ្នងជាដើមជាផលវិបាកនៃជំងឺពុកឆ្អឹង។ ជំងឺពុកឆ្អឹងភាគច្រើនកើតលើស្ត្រីភេទ ហើយជាទូទៅគឺវាបណ្តាលមកពីវ័យរបស់មនុស្ស។
ទោះយ៉ាងណា អាហារដែលយើងបរិភោគក៏អាចជួយទប់ស្កាត់ជំងឺពុកឆ្អឹងនេះបានដែរ។ ខាងក្រោមនេះជាអាហារមួយចំនួនដែលអ្នកគួរបរិភោគឲ្យបានច្រើន ព្រោះវាអាចជួយការពារប្រឈមនឹងជំងឺនេះបាន។
ទឹកដោះគោ
ទឹកដោះគោដែលមិនមានជាតិខ្លាញ់ ឬមានជាតិខ្លាញ់ទាប យ៉ាអួរដែល គ្មានជាតិខ្លាញ់ គឺជាប្រភពនៃជាតិកាល់ស្យូមដែលនាំឲ្យមានសុខភាពល្អដែលអ្នកត្រូវការ ដើម្បីយកទៅសាងសង់ឆ្អឹងឲ្យបានរឹងមាំ។ ផលិតផលទឹកដោះគោ ក៏មានវីតាមីន D ដែលអ្នកត្រូវការ សម្រាប់ស្រូបយកជាតិកាល់ស្យូមបានត្រឹមត្រូវផងដែរ។
ត្រី
ត្រីខកំប៉ុង និងត្រីសាម៉ុង ញ៉ាំវាទាំងឆ្អឹងក៏សម្បូរជាតិកាល់ស្យូមផងដែរ។ ខ្លាញ់ត្រីផ្សេងទៀត គឺសម្បូរដោយវីតាមីន D ដែលអាចជួយឲ្យមានជាតិកាល់ស្យូមគ្រប់គ្រាន់ផងដែរ។
ញ៉ាំអាហារបៃតង
ស្លឹកបន្លែពណ៌បៃតងមានជាតិកាល់ស្យូមច្រើន បូកបន្ថែមទាំងជាតិប៉ូតាស្យូម និងវីតាមីន K ដែលអ្នកត្រូវការ ដើម្បីទប់ស្កាត់ការបាត់បង់ជាតិកាល់ស្យូមពីឆ្អឹង។
សណ្តែក
សណ្តែកមិនត្រឹមតែមានជាតិកាល់ស្យូមនោះទេ វាហាក់ដូចជាជួយរក្សាដង់ស៊ីតេឆ្អឹងបានល្អ។
សូមកុំញ៉ាំជាតិប្រូតេអ៊ីនច្រើនពេក
ការទទួលទានប្រូតេអ៊ីនច្រើនអាចបង្កើនការបញ្ចេញចោលជាតិកាល់ស្យូម។ កំណត់ការហូបប្រូតេអ៊ីនត្រឹម ៥០ ក្រាមជារៀងរាល់ថ្ងៃសម្រាប់ស្ត្រី និងមិនលើសពី ៦៣ ក្រាមចំពោះបុរស។
កម្រិតការញ៉ាំជាតិកាហ្វេអ៊ីន
កម្រិតការទទួលទានជាតិកាហ្វេអ៊ីនមកត្រឹមពីរពែងក្នុងថ្ងៃ៕ សុភ័ក្ត្រ
ប្រភព៖ health
