នេះជារឿងពិត ដែលប្រព័ន្ធផ្សព្វផ្សាយថៃ បានចុះផ្សាយ ។ តាមនោះដើម្បីទប់ទល់ស្ថានភាពដែឡម៉ាស់មុខសុខាភិបាល (ត្រឹមត្រូវស្តង់ដារ ពុំមែនប្រភេទស្តើងៗ) ត្រូវបានលក់អស់ពីហាងទំនិញ ពួកគេបង្ខំចិត្តត្រូវយកអាវទ្រនាប់ ខោក្នុងមក “តតាំង” នឹងបរិស្ថានកំពុងរងការបំពុលធ្ងន់ធ្ងរ ។
បុរសរូបនេះយកខោទ្រនាប់មកបាំងការពារផ្លូវដង្ហើម ។
ហេតុការណ៍បំពុលបែបនេះ បានកើតឡើងតាំងពីថ្ងៃទី១៣ ខែមករាម្លេះ ជាហេតុធ្វើឲ្យមន្ត្រីអ្នកមុខអ្នកការកំពុងស្វែងរកដំណោះស្រាយ ។ គ្រោះថ្នាក់បំផុតនោះគឺបណ្តាគ្រាប់ធូលីម៉ត់ល្អិត មានកំណើនលើសស្តង់ដារ (បទដ្ឋាន) ៨ដងឯណោះ ហើយតាមការព្យាករណ៍ស្ថានភាពនឹងអូសបន្លាយយ៉ាងតិច១ខែទៀត ។
រូបបែបនេះត្រូវបានចែករំលែកលើបណ្តាញសង្គម…ធម្មតាហើយ ។
រដ្ឋការថៃកំពុងកាត់បន្ថយផ្សែងធូលីដោយបាញ់ទឹកឡើងបរិយាកាស ហើយពួកគេជឿថា “ភ្លៀងសិប្បនិម្មិត” នឹងជួយបាន…ច្រើន ។ ស្របពេលជាមួយគ្នានោះអាជ្ញាធរសុខភិបាលថៃ បានស្តីបន្ទោសថា រដ្ឋាភិបាលពុំបានចាប់អារម្មណ៍លើការគំរាមកំហែងនេះលើសុខភាពពលរដ្ឋ ។
មូលហេតុនាំឲ្យមានការបំពុលបរិយាកាសនៅបាងកកពេលនេះ ព្រោះតែចំនួនរថយន្តច្រើនសន្ធឹកសន្ធាប់ ការអភិវឌ្ឍវិស័យសំណង់លឿនជ្រុល ព្រមទាំងហាងសាច់អាំង… ដែលទីណាក៏ឃើញមាន ។
អ្នកវិទ្យាសាស្ត្រកំពុងស្រែកអំពាវនាវ ព្រោះគុណភាពបរិយាកាស PM 2.5(AQI) នៅបាងកក មានកម្រិត 394microgrim/m³ លើសពីបទដ្ឋានខ្ពស់បំផុតអនុញ្ញាតឲ្យតែ ៥០ប៉ុណ្ណោះ ។
នេះជារឿងដែលថៃកំពុងប្រឈម សង្ឃឹមថាអាជ្ញាធរក្រុងភ្នំពេញចាប់អារម្មណ៍ ហើយមានវិផែនការទប់ស្កាត់មុនវាបង្កបញ្ហា ៕ ចន្ទ្រា