អតីតបុគ្គលិករបស់ Microsoft លោក Mike Galos បានចែករំលែករូបភាពរបស់អតីតមេរបស់ខ្លួន ដែលជាសេដ្ឋីលំដាប់កំពូលពិភពលោកស្ថិតក្នុងវ័យ ៦៣ឆ្នាំហើយ តែពុំបាន “ដើរផ្លូវកាត់”ដើម្បីទិញនំ burger ឡើយ ។ គាត់ឈរជ្រែង តម្រៀបជួរដូចគេឯង ។
Bill Gates ឈរតម្រៀបជួរនៅពីមុខហាង Dick’s Drive-In ។
អតីតបុគ្គលិករូបនេះសរសេរបន្ថែមពីអារម្មណ៍របស់គាត់ថា ៖ អត្រាអ្នកមានទ្រព្យសម្បត្តិ ១០០ពាន់លានដុល្លារ កំពុងគ្រប់គ្រងអង្គការសប្បុរសធម៌ធំបំផុតពិភពលោក តែបែរជាឈររង់ចាំដល់វេនយកនំ burger ដំឡូងបារាំងចៀន និង coke នៅ Dick ដូចគេឯង ។
Galos សរសេរបន្តថា ៖ Bill Gates ជាមនុស្សឱនលំទោនណាស់ ទោះបីគាត់ជាជនល្បីល្បាញម្នាក់ក្តី ។ ខ្ញុំមានឱកាសជជែកជាមួយលោកនៅពិធីជប់លៀងកាលពីគ្រាមុន ទោះជាតាមផ្លូវ ឬក្នុងហាង តែខ្ញុំពុំដែលបានសម្គាល់ឃើញលោកមុន ហើយ “សួរស្តី” ទេ! ។
បុគ្គលិកលក្ខណៈរបស់មនុស្សសាងឲ្យគេនូវគុណសម្បត្តិ និងកិត្តិយសពុំមែនទ្រព្យសម្បត្តិនោះទេ ! ពិសេសក្រោយពេលអ្នកបញ្ចប់ពេលវេលា មានវត្តមានលើភពផែនដីនេះ ៕ ចន្ទ្រា