ថ្វីត្បិតតែជារូបភាពពងមាន់ធម្មតាមួយប៉ុណ្ណោះ អមជាមួយការអំពាវនាវសាមញ្ញបំផុត តែអាចទាញអារម្មណ៍មនុស្សបានយ៉ាងខ្លាំងក្លា។
រូបភាពពងមាន់របស់គណនី World_record_egg បានសាងឯកគ្គទកម្មមានអ្នកចូលចិត្តដល់ទៅជាង ៤៨លាន ។ ពិសេសគឺវាបានបំបែកឯកគ្គទកម្មរូបភាពតារាបង្ហាញម៉ូតអាមេរិក Kylie Jenner អាយុ ២១ឆ្នាំ ជាមួយរូបភាពកូនស្រីដំបូងឈ្មោះ Stormi លូកដៃក្តាប់ម្រាមដៃម្តាយត្រូវបានបង្ហោះពីខែកុម្ភៈ ឆ្នាំ ២០១៨ ទទួលបានការចូលចិត្ត ១៨លាន ។
ប្រការគួរនិយាយនោះគឺ ក្រៅពីរូបភាពដ៏ “មហាសាមញ្ញ” តែម្ចាស់គណនី Worl_rcord_egg បានសរសេរប្រយោគដ៏សាមញ្ញថា ៖ “ចូររួមគ្នាបង្កើតឯកគ្គទកម្មពិភពលោក និងធ្វើឲ្យវាក្លាយជាអត្ថបទបង្ហោះផ្សាយទទួលបានការចូលចិត្តច្រើនបំផុតលើ Instagram ។ ចូរផ្តួលរំលំឯកគ្គទកម្ម ១៨លាន របស់ Kylie Jenner” ។
រូបភាពនេះបង្ហោះនៅថ្ងៃទី ៥ ខែមករា ហើយរហូតដល់ថ្ងៃទី ១៨ ខែមករា ឆ្នាំ ២០១៩ ទទួលបានការចូលចិត្ត ៤៨លាន មានន័យថា ក្នុងរយៈ ១៣ថ្ងៃនោះ មានអ្នកចូលចិត្តមួយនាទីគឺ ២០០.០០០ឯណោះ ។
នោះជារូបភាពទទួលបានការចូលចិត្ត ១៨លាន របស់ Kylie Jenner ។
មនុស្សចុច Like មួយចំនួននិយាយថា ៖ “យើងចង់ជួយដល់មនុស្សសាមញ្ញម្នាក់ប៉ុណ្ណោះ ។ យ៉ាងណាក៏រូបភាពស៊ុតមួយវាមានតម្លៃច្រើនជាងប្រៀបនឹងកូន…អ្នកល្បីនៅ Hollywood ! ” ។
ជាទូទៅគេថា ៖ មនុស្សពិតជាពិបាកនឹង “ព្រមព្រៀង” ពីបញ្ហាអ្វីមួយណាស់ ប៉ុន្តែដើម្បីចូលរួមបំបែកឯកគ្គទកម្មពិភពលោកគឺ… Ok ភ្លាម -ព្រោះមានចំណែករបស់គេ ហើយនេះជាអ្វីថ្មីនៃឆ្នាំ ២០១៩ ៕ ចន្ទ្រា
