ស្ទឹងត្រែង ៖ ជនសង្ស័យម្នាក់ ជួញដូរថ្នាំញៀនមានទម្ងន់ពីរគីឡូក្រាម ត្រូវបានកម្លាំងនគរបាលប្រឆាំងគ្រឿងញៀន នៃស្នងការដ្ឋានខេត្តស្ទឹងត្រែង បង្ក្រាបនៅស្រុកសៀមប៉ាង កាលពីវេលាម៉ោង១១និង៤០នាទីថ្ងៃទី១៩ ខែមករា ឆ្នាំ២០១៩។
សមត្ថកិច្ច បានបញ្ជាក់ថា ជនសង្ស័យឈ្មោះ ផល កុសល់ភេទប្រុស អាយុ២៩ឆ្នាំ មានមុខរបរជាកម្មករ មានទីលំនៅភូមិបានមួង ឃុំសេកុង ស្រុកសៀមប៉ាង ខេត្តស្ទឹងត្រែង។ ក្រោយពីបង្ក្រាបភ្លាមៗ សមត្ថកិច្ចបញ្ជូនជនសង្ស័យ រួមនឹងថ្នាំញៀន ចំនួន២កញ្ចប់ធំមានទម្ងន់២.០៤៤,៩ក្រាម គឺជាប្រភេទមេតំហ្វេតាមីនម្សៅពណ៌សថ្លា ហៅថាICEទឹកកកពីស្រុកសៀមប៉ាង មកកាន់ស្នងការដ្ឋាននគរបាលខេត្ត ដើម្បីសាកសួរបន្ថែម។
ជនសង្ស័យកំពុងឃុំខ្លួន នៅក្នុងស្នងការដ្ឋាននគរបាលខេត្តស្ទឹងត្រែងនៅព្រលប់ថ្ងៃទី១៩ ខែមករា ឆ្នាំ២០១៩ មានការពារដោយកម្លាំងសមត្ថកិច្ចការពារយ៉ាងយកចិត្តទុក៕ ដោយ ៖ បញ្ញាស័ក្តិ
