ប្រទេសរុស្សីបានព្រមានពីវិធានតបតវិញ ក្រោយពេលសហភាពអ៊ឺរ៉ុបបានដាក់ទណ្ឌកម្មប្រឆាំងនឹងសមាជិកជាន់ខ្ពស់របស់ភ្នាក់ងារស៊ើបអង្កេតរុស្ស៊ី។ ទណ្ឌកម្មទាំងនោះរួមការហាមប្រាណធ្វើដំណើរ និងការបង្កកទ្រព្យសម្បត្តិរបស់មន្ត្រីទាំងនោះ ក្រសួងការបរទេសរុស្សីបានប្រកាសថាក្នុងសេចក្តីថ្លែងការណ៍នៅថ្ងៃច័ន្ទម្សិលមិញថា “ពួកយើងមានសិទ្ធិក្នុងការចាត់វិធានការតបតទៅនឹងវិធានការនេះ”។
ទណ្ឌកម្មរបស់សហភាពអឺរ៉ុបគឺដាក់លើមន្ត្រីរុស្សីចំនួន ៤រូបដែលជាប់ពាក់ព័ន្ធទៅនឹងការដាក់ថ្នាំបំពុលប៉ងសម្លាប់អតីតភ្នាក់ងារស៊ើបការរបស់រុស្ស៊ីឈ្មោះ Sergei Skripal និងកូនស្រីរបស់គាត់ឈ្មោះ Yulia កាលពីឆ្នាំមុននៅប្រទេសអង់គ្លេស ។
ក្នុងចំនោម ៤រូប មាន ២រូបដែលជាមន្ត្រីស៊ើបអង្កេតរបស់រុស្ស៊ីឈ្មោះ Alexander Petrov និង Ruslan Boshivov ត្រូវបានអាជ្ញាធរអង់គ្លេសចោទប្រកាន់ថាបានធ្វើការវាយប្រហារអតីតអ្នកស៊ើបការណ៍រុស្សី ដោយប្រើប្រាស់សារធាតុគីមី Novichok ប៉ុន្តែត្រូវបានពួកគេបដិសេធ ។
សូមបញ្ជាក់ថា ការវាយប្រហារដោយសារធាតុគីមី កាលពីឆ្នាំ ២០១៨ លើអតីតអ្នកស៊ើបការរុស្ស៊ី Sergei Skripal មិនបានធ្វើឲ្យគាត់បាត់បង់ជីវិតឡើយ គ្រាន់តែមានសភាពធ្ងន់ធ្ងរ ប៉ុន្តែគាត់ត្រូវបានសង្គ្រោះទាន់ពេល ប៉ុន្តែសារធាតុគីមីនោះបានប៉ះលើដៃប្តីប្រពន្ធអង់គ្លេសមួយគូ បណ្តាលឲ្យស្ត្រីជាប្រពន្ធស្លាប់បាត់បង់ជីវិត ៕ សុភ័ក្ត្រ
ប្រភព៖ CNN