ភ្នំពេញ ៖ នគរបាលខណ្ឌសែនសុខ បានខ្លួនវាយខ្នោះលើបុរសម្នាក់ ត្រូវជាពូ ដែលបានធ្វើសកម្មភាពវាយក្មួយខ្លួនឯង បាក់ឆ្អឹងដងកាំបិតមួយ ដោយសារខឹងនឹងក្មួយរបស់របស់ខ្លួនដែលមានអាយុត្រឹមតែ៤ឆ្នាំ បោះសម្ភាររញ៉េរញ៉ៃពេញក្នុងផ្ទះចេញក្រៅផ្ទះ ។
ដែលហេតុការណ៍ ពូតិរច្ឆានម្នាក់ បានប្រើកណ្តាប់ដៃនិងខ្សែក្រវ៉ាត់ វាយក្មួយ បណ្តាលឲ្យរបួសសុះសាច់ និងបាក់ឆ្អឹងដងកាំបិតខាងស្តាំម្ខាង កាលពីវេលាម៉ោង៦ល្ងាច ថ្ងៃទី២១ ខែមករា ឆ្នាំ២០១៩ ស្ថិតនៅចំណុចផ្ទះសង់ថ្មី ផ្លូវរថភ្លើង ភូមិដីថ្មី សង្កាត់គោកឃ្លាង ខណ្ឌសែនសុខ។
នគរបាលមូលដ្ឋាន បានឲ្យដឹងថា ជនសង្ស័យមានឈ្មោះ ប៉ែន ចាន់ត្រា អាយុ៣៤ឆ្នាំ មុខរបររត់ម៉ូតូកង់បី រស់នៅទីកន្លែងកើតហេតុខាងលើ។ ចំណែក កុមាររងគ្រោះមាន ឈ្មោះ ហ៊េល ទេវា ភេទប្រុសអាយុ៤ឆ្នាំ ស្នាក់នៅក្នុងបន្ទុក ជាមួយជនសង្ស័យខាងលើ ត្រូវជាក្មួយ។
មូលហេតុដែលបណ្តាលឲ្យពូកុមាររងគ្រោះប្រើហឹង្សាបែបនេះ គឺខឹង កុមាររងគ្រោះ បោះសម្ភារក្នុងផ្ទះ ចេញមកខាងក្រៅផ្ទះ ធ្វើឲ្យរូបគេ ខឹងក៏ប្រើហឹង្សាតែម្តងទៅ៕ ដោយ ៖ កូឡាប
