ជនជាតិដើមភាគតិចរ៉ូហ៊ីយ៉ា យ៉ាងហោចណាស់ចំនួន ៦.៧០០នាក់ត្រូវបានសម្លាប់ក្នុងរយៈពេលមួយខែ ក្រោយពេលអំពើហឹង្សាផ្ទុះឡើងនៅក្នុងប្រទេសមីយ៉ាន់ម៉ាក្នុងខែសីហា។ នេះបើតាមការបញ្ជាក់របស់អង្គការមនុស្សធ៌ម គ្រូពេទ្យគ្មានព្រំដែន Medecins Sans Frontieres (MSF)។
ប៉ុន្តែបើផ្អែកលើការស្ទង់មតិលើជនភៀសខ្លួនក្នុងប្រទេសបង់ក្លាដេស ចំនួនអ្នកស្លាប់អាចខ្ពស់ជាងតួលេខខាងលើ ៤០០នាក់។
អង្គការនេះបាននិយាយថា វាគឺជាការបញ្ជាក់យ៉ាងច្បាស់ថាការស្លាប់គឺបង្កឡើងដោយអំពើហឹង្សាដែលប្រព្រឹត្តដោយអាជ្ញាធរមីយ៉ាន់ម៉ា។ ប៉ុន្តែយោធាមីយ៉ានម៉ាតែងតែបដិសេធពីទំនួសខុសត្រូវនេះ និងថាអំពើហឹង្សាកើតឡើងដោយសារភេរវករទៅវិញ។
របាយការណ៏របស់ MSF ក៏បានបញ្ជាក់ផងដែរថា ជនជាតិដើមភាគតិចរ៉ូហ៊ីយ៉ាកាន់សាសនាអ៊ីស្លាមចំនួន ៦៤៧.០០០នាក់បានរត់ភៀសខ្លួនទៅកាន់ប្រទេសបង់ក្លាដេសចាប់តាំងពីខែសីហាមក។
ការស្ទងមតិរបស់អង្គការនេះបានរកឃើញថា ជនជាតិរ៉ូហ៊ីយ៉ា យ៉ាងហោចណាស់ ៩.០០០នាក់បានស្លាប់នៅក្នុងប្រទេសមីយ៉ាន់ម៉ា ចន្លោះថ្ងៃទី ២៥ ខែសីហា និងថ្ងៃទី ២៤ ខែកញ្ញា។
MSF បញ្ជាក់ដូច្នេះថា “ក្នុងការស្មាន យ៉ាងហោចណាស់មនុស្សចំនួន ៦.៧០០ដែលបានស្លាប់ គឺស្លាប់ដោយសារតែអំពើហឹង្សា រួមមាន ៧៣០នាក់ជាកុមារដែលមានអាយុក្រោម ៥ឆ្នាំ។”
កាលពីដំបូង កងកំលាំងមីយ៉ាន់ម៉ាបានបញ្ជកា់ថា មានមនុស្សប្រហែល ៤០០នាក់ប៉ុណ្ណោះត្រូវបានសម្លាប់ ដែលអ្នកទាំងនោះភាគច្រើនសុទ្ធតែជាភេវរករអ៊ីស្លាម៕ សុភ័ក្ត្រ