ព្រះសីហនុ ៖ នៅទីថ្ងៃទី២៤ ខែមករា ឆ្នាំ២០១៩ បញ្ហាហិង្សា រវាងប្រជាពលរដ្ឋ ជាមួយនឹងអាជ្ញាធរខេត្តព្រះសីហនុ ដែលនាំកងកម្លាំងចម្រុះ ជាច្រើននាក់ មកវាយបំបែកក្រុមប្រជាពលរដ្ឋ ដើម្បីដណ្តើមដី របស់ពលរដ្ឋនៅខេត្តព្រះសីហនុ ។
ប្រជាពលរដ្ឋដល់កលែងខ្លាចកាំភ្លើង លែងខ្លាចស្លាប់ នាំគ្នាដុតកង់រថយន្ត និងដេញគប់ដុំថ្ម រារាំងទៅលើសមត្ថកិច្ច ដែលមានជម្លោះដីធ្លី ជាមួយឧកញ៉ាអ្នកមានលុយ មានអំណាច ក្នុងពេលដែលសមត្ថកិច្ចចម្រុះ ចុះទៅបំបែកការប្រមូលផ្តុំតវ៉ាការពារដីធ្លីរកយុត្តិធម៌លើវិវាទដីធ្លី នៅក្រុងព្រះសីហនុ សង្កាត់អូរត្រេះ ( ជាប់របងវត្តអូរត្រេះ ) ។
ជាមួយករណីនេះ លោកវីល្លាម ប្រធានគណបក្សខ្មែរក្រោក បានស្នើឲ្យបញ្ឈប់បន្ទាន់នូវការប្រេីប្រាស់អាវុធ លើប្រជាពលរដ្ឋ នៅតំបន់ពយម៉ាចូវ ឃុំបិទត្រាំង ស្រុកព្រៃនប់ ខេត្តព្រះសីហនុ ដែលកំពុងឈានដលមានពលរដ្ឋរងរបួស ។ ករណីជាក់ស្ដែងបែបនេះ សមាជិកឧត្តមក្រុមប្រឹក្សាពិគ្រោះ និងផ្ដល់យោបល់ ពីគណបក្សខ្មែរក្រោក មានសិទ្ធិតាមដានការអនុវត្តន៍ច្បាប់ ដោយយោងលើព្រះរាជក្រឹត្យស្ដីពីការរៀបចំនិងការប្រព្រឹត្តទៅរបស់ឧត្តមក្រុមប្រឹក្សាពិគ្រោះនិងផ្ដល់យោបល់ ។ ថ្ងៃស្អែកក្រុមការងារយេីងខ្ញុំនិងចុះទៅតាមដានផ្ទាល់ចំពោះករណីនេះ សុំកុំប្រេីប្រាស់អាវុធមកដោះស្រាយឬវែកញ៉ែកខុសត្រូវជាមួយពលរដ្ឋ រីឯពលរដ្ឋវិញសុំបញ្ឈប់កុំប្រេីប្រាស់ហឹង្សាលើសមត្ថកិច្ច !
ការប្រេីប្រាស់អាវុធដោះស្រាយបញ្ហារបស់អស់លោកជាមន្ត្រីថ្នាក់ក្រោមជាតិកំពុងល្មេីសនិងគោលនយោបាយថ្នាក់ជាតិហើយក៏កំពុងបំផ្លិចបំផ្លាញកេរឈ្មោះថ្នាក់ដឹកនាំរបស់ខ្លួនដែរ ខណៈដែលកម្ពុជា កំពុងត្រូវបានបរទេស ចាំចាប់កំហុសលើឆាកអន្តរជាតិ ។ បញ្ឈប់បន្ទាន់។
ពលរដ្ឋ ៤នាក់មកពីស្រុកព្រៃនប់ ខេត្តព្រះសីហនុ ត្រូវបានសមត្ថកិច្ចចាប់ខ្លួន ក្រោយពីនាំគ្នាតវ៉ាដុតកុងឡានជំទាស់ទៅនឹងក្រុមកម្លាំងសមត្ថកិច្ចចម្រុះរបស់ខេត្តនេះ ដែលបានចុះការអនុវត្តសាលដីកាវាស់វែងដីធ្លីមានជម្លោះឲ្យទៅឧកញ៉ាម្នាក់។
អ្នកមានជម្លោះដីធ្លីរាប់រយនាក់មកពីភូមិគគីរ ស្ថិតក្នុងឃុំបិតត្រាង បានបន្តនាំគ្នាពង្រាយកង់ឡានដុតបិទផ្លូវនៅថ្ងៃព្រហស្បតិ៍នេះ ខណៈកម្លាំងចម្រុះរបស់អាជ្ញាធររាប់រយនាក់ដែលប្រដាប់ដោយកាំភ្លើង ខែល គ្រឿងចក្រ រួមទាំងឡានទឹកផង ត្រូវបានដាក់ពង្រាយ និងត្រៀមទប់ទល់នឹងពលរដ្ឋដែលចេញតវ៉ាប្រឆាំងការចុះអនុវត្តសាលដីកាវាស់វែងដីធ្លីឲ្យឧកញ៉ាម្នាក់ ដែលអ្នកភូមិប្រាប់ថាឈ្មោះ ស៊ីវ គង់ទ្រីវ និងភរិយាឈ្មោះ ហុង សួន នៅចំណុចភូមិគគីរ។
អ្នកមានជម្លោះដីធ្លីមកពីភូមិគគីរ ស្ថិតក្នុងឃុំបិតត្រាង ត្រូវសមត្ថកិច្ចបង្ក្រាបក្រោយហេតុការណ៍ដុតកង់ឡាន តវ៉ារឿងដីធ្លីជាមួយឧកញ៉ាម្នាក់ នាព្រឹកថ្ងៃទី២៤ ខែមករា ឆ្នាំ២០១៩។
ក្រុមអ្នកភូមិបាននាំគ្នាដុតកង់ឡានបិទផ្លូវ មានការគប់ដុំថ្ម ដបសាំងផងដែរ ហើយក្រោយប្រឈមមុខដាក់គ្នាជាច្រើនម៉ោង ក្រុមសមត្ថកិច្ចបានផ្ទុះអាវុធជាច្រើនគ្រាប់ និងចាប់ពលរដ្ឋ ៤នាក់ រួមទាំងសម្ភារៈមួយចំនួនផងដែរ។
កាលពី សប្តាហ៍មុន ក្រុមកម្លាំងសមត្ថកិច្ចចម្រុះខេត្តព្រះសីហនុ ក៏បានចុះទៅវាស់វែងដីឲ្យលោកស្រី ហុង សួន ភរិយារបស់ឧកញ៉ា ស៊ីវ គង់ទ្រីវ ម្តងរួចមកហើយ ប៉ុន្តែ មិនបានសម្រេច បន្ទាប់ពីក្រុមអ្នកភូមិរាប់រាយនាក់ បាននាំគ្នាពង្រាយកង់ឡានដុតតវ៉ាមិនឲ្យវាស់វែង៕ ដោយ៖ស្រីនាថ
