ងាវគ្រំជាអម្បូរសត្វផ្តល់នូវជីវជាតិប៉ូវយ៉ាងខ្លាំង ។ ប៉ុន្តែមេផ្ទះទាំងឡាយតែងឈឺក្បាល ព្រោះតែខ្សាច់ , ភក់ (អាចម៍) របស់វា ពិបាក…ជម្រះ ។
ចុងភៅចិនមានរបៀបបកស្រាយភាពឈឺក្បាលនេះយ៉ាងងាយ ហើយច្នៃម្ហូបឆាងាវដូចខាងក្រោមបានឆ្ងាញ់ពិសារទៀតផង ។
មានរបៀបយក “អាចម៍”វាចេញច្រើន ជាអាទិ៍ត្រាំទឹកត្រជាក់១យប់ ឬស្រុះវាក្នុងទឹកក្តៅ… តែបែបនេះបានធ្វើឲ្យបាត់សារធាតុបំប៉នច្រើន ។ របៀបចុងភៅចិនគឺ ៖
-គេលាយទឹកឲ្យមានកំដៅពី ៤០ដឺក្រេសេ -៦០ដឺក្រេសេ ហើយដាក់អំបិលចូលបន្តិច ហើយត្រាំងាវ គ្រំក្នុងនោះ ចន្លោះពី១ម៉ោង-២ម៉ោង ។
-ស្ថិតក្នុងសភាពក្តៅឧណ្ឌៗពួកវានឹង “សកម្ម” បញ្ចេញអាចម៍មកក្រៅតាមរយៈការដកដង្ហើមរបស់វា ។
ប្រសិនបើចង់ឆាងៀវ គ្រំឲ្យបានឆ្ងាញ់ពិសារពួកចុងភៅធ្វើបែបខាងក្រោម ៖
-ខ្ទឹមសចិញ្ច្រាំឲ្យម៉ត់ ។ យកប្រេងឆាបន្តិច កំដៅឲ្យក្តៅរួចដាក់ខ្ទឹមចូលរហូតពេលខ្ទឹមមានក្លិនឈ្ងុយ ចាក់ងាវ គ្រំ ដែលបានត្រាំ (ដូចខាងលើ)ចូល ។
-នៅពេលដែលងាវ គ្រំ ចាប់ផ្តើមហាមាត់ អ្នកយកស្រាស១ស្លាបព្រា និងស្រាបៀរកន្លះកំប៉ុងចាក់ចូល រងចាំឲ្យវាពុះ ។
-បន្ថែមគ្រឿងទេសចូលល្មមមាត់ ចម្អិនបន្ថែម ៥នាទីជាការស្រេច ។
សាកល៎មើល! តែបើមិនឆ្ងាញ់កុំ…ជេរណា៎!
