តាម Daily Mail ប្រជាអ៊ិនធើណេត ចិន កំពុងពុំកញ្ជ្រោលយ៉ាងខ្លាំង ក្រោយពេលទស្សនាខ្សែវីដេអូ បុរសពាក់ “អាវបំបាំងកាយ” ហើយបាត់ស្រមោលយ៉ាងអាថ៌កំបាំង។
បុរសរូបនេះបានបាត់រូបរាងពេលលើកក្រណាត់មួយផ្ទាំងឡើងលើ។ ពណ៌រចនាបថរបស់ក្រណាត់នៅបានច្របាច់ចូលជាមួយទិដ្ឋភាពជុំវិញ។ ក្រោយពេលបង្ហោះលើបណ្តាញសង្គមល្បីល្បាញរបស់ចិន Weibo ខ្សែវីដេអូមួយនេះ ទទួលបានអ្នកទស្សនា ចែករំលែកប្រមាណ ២០លាននាក់។ ក្នុងចំណោមអ្នកចែករំលែកមានទាំង Chen Siquu អនុប្រធានផ្នែកស៊ើបអង្កេតព្រហ្មទណ្ឌកំរិតធ្ងន់ នៃក្រសួងនគរបាលជាតិចិនផងដែរ។
លោក Chen ថែមទាំងសរសេរថា “នេះជាប្រភេទក្រណាត់ផលិតពីបច្ចេកវិទ្យា Quantum (Quantum Technology) ដោយប្រើវត្ថុធាតុថ្លាឈ្វេង។ វាប្រតិកម្មជាមួយរលកពន្លឺជុំវិញ ហើយធ្វើឲ្យអ្នកពាក់បាត់ស្រមោល។ រឿងអ្វីនឹងកើតឡើងប្រសិនឧក្រិដ្ឋជនពាក់វានោះ?”។
ទន្ទឹមនឹងមតិស្ងើចសរសើរ ក៏មានការបកអាក្រាតថា ជាក់ស្តែង Clip នេះគ្រាន់តែជាលទ្ធផលនៃការ “កែសម្រួល” ប៉ុណ្ណោះ។ លោក Zhu Zhensong ផលិតករនៃក្រុមហ៊ុន Quantum Video អះអាងថា ជាមួយផ្នែកទន់ (កម្មវិធី) Adobe, Nuke ឬ Blackmagic Fusion គេអាចធ្វើរឿងបែបនេះបានយ៉ាងងាយស្រួល៕ ចន្ទ្រា
ចុះប្រិយមិត្តវិញ?
