ខេត្តស្វាយរៀង ៖ លោកនាយឧត្តមសេនីយ៍ ជៀង អំ រដ្ឋលេខាធិការក្រសួងការពារជាតិ នាព្រឹកថ្ងៃសុក្រ ៥រោច ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២៥ ខែមករា ឆ្នាំ២០១៩នេះបានអញ្ជើញជាអធិបតីនៅក្នុងពិធីគោរពវិញ្ញាណក្ខន្ធ លោកឧត្តមសេនីយ៍ឯក ឥន្ទ គូរ សមាជិកក្រុមស្រាវជ្រាវយុទ្ធសាស្ត្រយោធា នៃក្រសួងការពារជាតិ ដែលបានទទួលមរណភាពកាលពី ថ្ងៃពុធ ៣រោជខែបុស្ស ឆ្នាំច សំរិទ្ធស័ក ព.ស ២៥៦២ ត្រូវនឹងថ្ងៃទី ២៣ ខែ មករា ឆ្នាំ២០១៩ នៅវេលាម៉ោង ៩:១០ ព្រឹក នៅគេហដ្ឋាន ខេត្តស្វាយរៀង ។
អញ្ជើញចូលរួមក្នុងពិធីនេះដែររួមមានលោក ជុំ ហាត ប្រធានក្រុមប្រឹក្សាខេត្ត លោក ម៉ែន វិបុល អភិបាលនៃគណៈ អភិបាលខេត្តស្វាយរៀង បានដឹកនាំប្រតិភូខេត្ត រួមមាន លោក លោកស្រីជា សមាជិកក្រុមប្រឹក្សាខេត្ត អភិបាលរងខេត្ត លោកនាយក នាយករងរដ្ឋបាលសាលាខេត្ត លោកប្រធានមន្ទីរ អង្គភាពនានាក្នុងខេត្ត លោកអភិបាលស្រុកស្វាយទាប ក្រុងស្វាយរៀង លោក លោកស្រីនាយកទីចាត់ការ /ប្រធានអង្គភាពចំណុះសាលាខេត្តសពត្រូវបានតម្កល់ធ្វើបុណតាម បែបប្រពៃណីព្រះពុទ្ធសាសនានៅភូមិខ្ជាយ ឃុំរមាំងថ្កោល ស្រុកស្វាយទាប ខេត្តស្វាយរៀង។
ឆ្លៀតក្នុងឱកាសនោះ មន្ត្រីជាន់ខ្ពស់ក្រសួងការពារជាតិរួមនិងគណៈប្រតិភូបានសម្តែងនូវការសោកស្តាយយ៉ាងខ្លាំងចំពោះការបាត់បង់នូវស្វាមីជាទីស្រឡាញ់ និងបានចូលរួមរំលែកទុក្ខជាមួយក្រុមគ្រួសារសព និងបានឧទ្ទិសបួងសួងដល់ ដួងវិញ្ញាណក្ខន្ធរបស់លោកឆាប់បានទៅកាន់សុគតិភពកុំ បីឃ្លៀងឃ្លាតឡើយ ៕ ដោយ ៖ វ៉ៃគោ
