ប្រិយមិត្តជាច្រើនបានជ្រាបរួចមកហើយ អំពីដំណឹងកញ្ញា ខេមរៈ ស្រីពៅ ដែលជាប្អូនស្រីបង្កើតរបស់កំពូលតារាចម្រៀង ខេមរៈ សិរីមន្ត បានធ្លាក់ខ្លួនឈឺកាលពីប៉ុន្មានឆ្នាំកន្លងមក ប៉ុន្តែ មួយរយៈចុងក្រោយនេះ ក៏លេចលឺព័ត៌មានថា សុខភាពរបស់នាងបានវិលត្រឡប់មកសភាពធម្មតាល្អប្រសើរវិញហើយ ។ តែទោះយ៉ាងណា យើងពុំឃើញវត្តមានរបស់នាងបង្ហាញនៅលើកញ្ចក់ទូរទស្សន៍នោះទេ ។
ប៉ុន្តែ យើងទាំងអស់គ្នាពិតជាស្ទើរតែមិនគួរឲ្យជឿសោះ ដែលថ្មីៗនេះ ស្រាប់តែលេចលឺដំណឹងដ៏សោកសៅបំផុតចេញពីបងប្រុសរបស់នាងថា ខេមរៈ ស្រីពៅ បានលាចាកលោកហើយ ។
បើតាមគណនីហ្វេសប៊ុកឈ្មោះ Chau Sophanha ដែលគេស្គាល់ថាជាបងប្រុសបង្កើតរបស់នាងគឺលោក ខេមរៈ ភារុណ បានបង្ហោះសារដ៏ក្រៀកក្រំនេះ និងភ្ជាប់ជាមួយថតកាន់ទុក្ខយ៉ាងដូច្នេះថា៖ «ប្អូនពៅបងលាយើងទាំងអស់គ្នាហើយ» ។
លោកក៏បានរៀបរាប់យ៉ាងក្តុកក្តួលបន្ថែមថា៖ «ស្រណោះប្អូនពៅបងសែនល្អណាស់ក្នុងលោកនេះ» ៕ ឧត្តម
