ស្រុកខ្មែរយើងទើបកើតរឿងស្លាប់ទាក់ទងនិងការកែសម្ផស្ស ហើយព្រឹត្តិការណ៍បាននិងកំពុងស្ថិតក្នុងភាពក្តៅគគុក…។
នៅស្រុកចិនវិញកាលពីព្រឹកព្រលឹមទៀបភ្លឺ ថ្ងៃទី ១៩ ខែមករាកន្លងមក នារីដ៏ស្រស់ស្អាតម្នាក់ បានសុខចិត្តបញ្ចប់ជីវិតដោយទម្លាក់ខ្លួនពីជាន់ទី ១៨ នៃអគារមួយ ទោះបីសមត្ថកិច្ចបានប្រឹងប្រែងសង្គ្រោះយ៉ាងណាក្តី ។
នារីស្រស់ស្អាតរូបនេះ មានត្រកូលលីវរស់នៅទីក្រុងហ្វូអាន ខេត្តអានហ៊ុយ ប្រទេសចិន ។ នាងធ្លាប់ជា Streamer ដ៏ល្បីល្បាញលើបណ្តាញសង្គម ព្រោះមានទេពកោសល្យសន្ទនាដ៏ទាក់ទាញ ហើយសម្រស់គួរឲ្យគយគន់ ។ ប៉ុន្តែព្រោះមិនស្កប់ស្កល់ ហើយចង់ឲ្យរូបសម្ផស្សស្អាតជាងមុន ក៏សម្រេចចិត្តធ្វើការ តែសម្រស់… ។
នារី Streamer អាយុ ២៣ឆ្នាំ ស្វែងរកការស្លាប់ព្រោះតែសម្ផស្ស ពុំបានសម្រេចដូចបំណង ។
នាងអង្គុយត្រៀមលោតពីលើអគារជាន់ទី ១៨ ។
កងកម្លាំងសង្គ្រោះបានចូលរំដោះនារីប៉ងសម្លាប់ខ្លួន ។
ការវះកាត់កែសម្ផស្ស បរាជ័យបានច្រានជីវិតរបស់នាងទាល់ច្រក ។ របរទាក់ទងដល់ Livestream ត្រូវផ្អាក មិត្តប្រុសក៏កុំបែកផ្លូវ… ។
…អ្វីៗក៏ខ្មៅងងឹត នាងបានស្វែងរកការស្លាប់ ។ ថ្ងៃទី១៨ ខែមករា នាងឡើងលើដំបូលអគារកម្ពស់ ១៨ជាន់នៅហ្វូអាន ដើម្បីលោតសម្លាប់ខ្លួន ។ ពេលក្រុមសង្គ្រោះចូលទៅប៉ងសង្គ្រោះ នាងស្រែកខ្លាំងៗ “ខ្ញុំមិនចង់រស់ទេ ខ្ញុំមិនចង់ឲ្យអ្នកណាឃើញមុខខ្ញុំទេៗ!” ។
កងកម្លាំងសង្គ្រោះបានចូលកៀក ហើយសង្គ្រោះនាងនាំចុះក្រោម ។ ប៉ុន្តែព្រឹកថ្ងៃបន្ទាប់នាងបន្តស្វែងរក… ហើយម្តងនេះ គឺបាន “សម្រេច” ។
មរណៈភាពរបស់នាងបន្សល់ទុកនូវមេរៀន ពិសេសចំពោះអ្នកណាៗដែលនិយមការ “ស្អាត” ដោយពឹងពាក់កាំបិតវះកាត់នោះ ។
រូបភាពចុងក្រោយ នាព្រលឹមទៀបភ្លឺថ្ងៃបន្ទាប់ (១៩/១) ដែលនារីអភ័ព្វសម្រេចបានបំណងប្រាថ្នារបស់ខ្លួន ៕ ចន្ទ្រា
