ទោះបីជាបានរកឃើញ “កំណប់មហាសាល” តម្លៃដល់ទៅ ៥ពាន់លានផោនអង់គ្លេស (ប្រមាណ ៦,៩៧ ពាន់លានដុល្លារ) នៅលើដីកម្មសិទ្ធិរបស់ខ្លួនក្តី តែប្តីប្រពន្ធអាល្លឺម៉ង់១គូនេះ ពុំបានទទួលសូម្បី…១សេន ។
ប្តីប្រពន្ធលោក Haus-Andre Tooren
តាមនោះប្តីឈ្មោះ Hans-Andre Tooren អាយុ ៥២ឆ្នាំ និងភរិយា Beate អាយុ ៤៧ឆ្នាំ រួមរស់នឹងគ្នាច្រើនឆ្នាំហើយក្តី តែពួកគេពុំបានដឹងថានៅក្រោមដីនៃលំនៅដ្ឋានរបស់ខ្លួនមាន “កំណប់មហាសាល”នោះឡើយ ។ រហូតដល់ពេលសាងសង់លំនៅដ្ឋានលើគំរោងទំហំ ៣.០០០m² នៅប្រជុំជន Zinnwald ទីក្រុង Altanberg (ភាគខាងត្បូងអាល្លឺម៉ង់) នៅឆ្នាំ ១៩៩៨ ទើបលោក Haus-Andre ឮព័ត៌មានអំពីអណ្តូងរ៉ែបុរាណពីយុគ្គសម័យកណ្តាលស្ថិតនៅទីនោះ ។
ក្រោយព័ត៌មាននោះ ក្រុមអ្នកភូកុម្ពសាស្ត្របានសម្រុកមករុករកហើយនាំយកគំរូដីទៅពិសោធន៍ ។ ថ្មីៗនេះ ក្រុមហ៊ុនរ៉ែកាណាដាមួយបានឃើញសារធាតុ lithium ចំនួន ៩៦.០០០តោន ស្ថិតក្នុងអណ្តូងរ៉ែបុរាណ ហើយវាស្ថិតនៅក្រោមដីនៃលំនៅដ្ឋាន… លោក Hans-Andre តែម្តង ។
Lithium ជាសារធាតុរ៉ែកម្រ ហើយមានតម្លៃក្នុងវិស័យឧស្សាហកម្ម ។ រ៉ែក្រោមដីនេះមានតម្លៃ ៥ពាន់លានផោនអង់គ្លេសឯណោះ ។
អ្នកណាៗតែងនឹកស្មានថា ប្រពន្ធ ២នាក់នេះ ក្លាយជាមហាសេដ្ឋី ។ ប៉ុន្តែតាមពិតទៅពួកគេពុំទទួលបានលទ្ធផល១សេនណាទេ ។ មូលហេតុគឺច្បាប់របស់អាល្លឺម៉ង់កំណត់ថា ៖ “ម្ចាស់កម្មសិទ្ធិដីធ្លី មិនត្រូវបានអនុញ្ញាតឲ្យអាជីវកម្មធនធានធម្មជាតិនៅក្នុងដីរបស់ពួកគេទេ ។ ទាំងនោះជាកម្មសិទ្ធិរបស់រដ្ឋ” ។
ចុះបើនៅស្រុកខ្មែររបស់យើងវិញនោះ!
ចន្ទ្រា