មនុស្សចំនួន ២០នាក់បានស្លាប់បាត់បង់ជីវិត និង ៨១នាក់ទៀងរងរបួស បន្ទាប់ពីមានការបំផ្ទុះ គ្រាប់បែក ២គ្រាប់នៅក្នុងព្រះវិហារគ្រឹស្តសាសនាមួយ ស្ថិតនៅភាគខាងត្បូងប្រទេសភីលីពីន។
គ្រឿងផ្ទុះចំនួន ២ ត្រូវបានគេបំផ្ទុះនៅចន្លោះចូល នៃព្រះវិហារ Jolo Catholic កាលពីថ្ងៃអាទិត្យម្សិលមិញនេះ ស្ថិតនៅកោះ Mindanao។ អាជ្ញាធរបញ្ជាក់ថា ក្នុងចំណោមអ្នករបួស ក៏មានទាហាន និងប៉ូលីសភីលីពីនចំនួន ១៤នាក់ផងដែរ។
គ្រឿងផ្ទុះទី ១បានផ្ទុះនៅក្នុងព្រះវិហារ ចំណែកគ្រឿងផ្ទុះទី ២មានគោលដៅបំផ្ទុះនៅក្បែរទាហ៊ាន ដែលព្យាយាមស្ទុះទៅជួយជនរងគ្រោះក្នុងហេតុការណ៍ផ្ទុះលើកទី ១។
ក្រោយហេតុការណ៍នោះ ក្រុមរដ្ឋអ៊ីស្លាម ISIS នៅថ្ងៃអាទិត្យដដែលបានចេញមុខអះអាងថា វាគឺជាទំនួលខុសត្រូវរបស់ពួកគេ៕ សុភ័ក្ត្រ
ប្រភព៖ CNN
