កំពង់ឆ្នាំង ក្រុមអ្នកគាំទ្រកីឡាករបាល់ទាត់សិស្សវិទ្យាល័យរលាប្អៀរខាងជើង បានប្រើអំពើហិង្សា ទៅលើក្រុមកីឡាករសិស្សវិទ្យាល័យរលាប្អៀរខាងត្បូង ក្រោយពេលប្រកួតចាញ់គេ កាលពីព្រឹកថ្ងៃទី២៨ ខែមករា ឆ្នាំ២០១៩ ក្រោយពេលបញ្ចប់ការប្រកួតជ្រើសរើស យកក្រុមតំណាងឲ្យស្រុករលាប្អៀរ ត្រៀមឡើងមកប្រកួត ជ្រើស
រើសជើងឯកថ្នាក់ខេត្តនៅពេលខាងមុខ។
លោកអធិការនគរបាលស្រុករលាប្អៀរ បានឲ្យដឹងថា ករណីនេះមិនបណ្ដាលឱ្យរងរបួសដល់កីឡាករណាម្នាក់ឡើយ ដោយគ្រាន់តែបែកកញ្ចក់ឡានមួយតែប៉ុណ្ណោះ ។ កងកម្លាំងសមត្ថកិច្ចចេញអន្តរាគមន៍ បានទាន់ពេលវេលា ដើម្បីបញ្ចប់ទំនាស់៕ ដោយ ៖ បញ្ញាស័ក្តិ
