កាលពីថ្ងៃទី២៨ ខែមករា អ្នកប្រើប្រាស់ ៧ នាក់ បានធ្វើសន្និសីទសារព័ត៌មានមួយ ដើម្បីបញ្ចេញនូវពាក្យបណ្តឹងរបស់ពួកគេ អំពីការឆ្លងមេរោគស្បែកដ៏គួរឲ្យភ័យខ្លាច បន្ទាប់ពីបានទៅហាងម៉ាស្សាមួយកន្លែង នៅក្នុង Kuchai Entrepreneurs Park, Kuchai Lama ។ សន្និសីទនេះត្រូវបានប្រារព្ធធ្វើឡើងនៅសាលប្រជុំចិន Kuala Lumpur (KLCAH) ប្រទេសសិង្ហបុរី ។
យោងតាមកាសែតចិន និង Oriental Daily មានអ្នកប្រើប្រាស់ប្រហែល ២០ នាក់ ដែលទទួលរងនូវការឆ្លងស្បែក តាំងពីខែមិថុនា ឆ្នាំ ២០១៨ ហើយពួកគេទាំងអស់សុទ្ធតែចូលហាងដដែលនេះ ។
អ្នកនាំពាក្យមកពី KLCAH បាននិយាយថា៖ «ដោយផ្អែកលើរបាយការណ៍វេជ្ជសាស្ត្រដែលបានធ្វើឡើង អ្នកជំងឺចំនួន ៤ នាក់ បានឆ្លងវីរុស Staphylococcus aureus (MRSA) ដែលស៊ាំនឹង Methicillin ។ បាក់តេរីនេះមានការឆ្លងរាលដាលយ៉ាងខ្លាំង ហើយវាអាចឆ្លងតាមរយៈប៉ះពាល់រាងកាយដោយផ្ទាល់ ឬ ដោយការចែករំលែករបស់របរផ្ទាល់ខ្លួនដូចជាកន្សែងជាដើម» ។
«ហើយអ្វីដែលគួរឱ្យភ្ញាក់ផ្អើលនោះ គឺថាបាក់តេរីនេះមានភាពធន់ទ្រាំប្រឆាំងនឹងថ្នាំអង់ទីប៊ីយោទិចផ្សេងៗជាច្រើន ។ អ្នកជំងឺភាគច្រើនត្រូវវះកាត់ដើម្បីយកសាច់ដែលឆ្លង ។ ដោយសារតែវាមានការឆ្លងខ្លាំងយ៉ាងខ្លាំងនោះ អ្នកជំងឺមួយចំនួនក្នុងចំណោមនោះ នៅតែត្រូវបានគេដាក់ឱ្យនៅដាច់ដោយឡែក នៅក្នុងមន្ទីរពេទ្យ» ។
ជនរងគ្រោះម្នាក់ដែលធ្វើការជាអ្នកលក់ដូរម្នាក់ បាននិយាយថា គាត់បានទៅកន្លែងម៉ាស្សាខាងលើនេះ នៅថ្ងៃទី ២០ ខែវិច្ឆិកា ឆ្នាំ ២០១៨ ហើយចាប់ផ្តើមចេញកន្ទួល និងមានការឈឺចាប់នៅក្នុងជើងទាំងសងខាងរបស់គាត់តែ ។ បន្ទាប់ពីបានបញ្ចប់ការប្រើថ្នាំអង់ទីប៊ីយោទិច និងថ្នាំបំបាត់ការឈឺចាប់ រយៈពេលមួយសប្តាហ៍ គាត់បានបន្តទៅកាន់មន្ទីរពេទ្យ ដោយសារតែស្ថានភាពរបស់គាត់មិនមានភាពប្រសើរឡើងវិញបាន ។
គាត់បាននិយាយថា៖ «វេជ្ជបណ្ឌិតបានធ្វើការវះកាត់យកសាច់ពីរបួសចំនួន ៨ ដោយសារតែជាលិកាសាច់ដុំបានងាប់ ៕ រក្សា
