តួសម្តែងចិនដ៏ល្បីល្បាញ១ជំនាន់រូបនេះ បានជួយឧបត្ថម្ភយ៉ាងស្ងៀមស្ងាត់ ដល់អ្នកដែលកើតមកគ្មាន “ភ័ព្វសំណាង” អស់កាលច្រើនឆ្នាំមកហើយ ប៉ុន្តែលោកបដិសេធជានិច្ចចំពោះរាល់សំណួរពីសកម្មភាពសប្បុរសធម៌របស់ខ្លួន។
ប្រហែលជាប្រិយមិត្តពុំទាន់ភ្លេច គួ ធានឡឹក -តួអង្គយ៉ាងគួស្រស់សង្ហារក្នុងរឿងភាគបុរាណចិន “ឥន្ទ្រីយ៍សេនាក្លាហាន” ។
គួ ធានឡឹក កើតនៅហុងកុង តែរៀនសូត្រពុំបានខ្ពស់ ព្រោះជីវភាពគ្រាកុមាររបស់លោកវេទនាពេកក្រៃលែង ដោយត្រូវប្រកបរបរគ្រប់យ៉ាងតាំងពីលីសែងអ្នកបម្រើតាមហាង ហើយចុងក្រោយជា “អ្នកបម្រើការទូទៅ”នៅក្រុមហ៊ុនភាពយន្ត ។
…ឆ្នាំ ១៩៩២ លោកមានសំណាងបានឈាន១ជំហានចូលក្នុងពិភពសម្តែងក្នុងតួអង្គរាយរងជាអ្នកបង្ហាញម៉ូត ។
…រហូតដល់ឆ្នាំ ១៩៩៣ របត់ជីវិតរបស់គួ ធានឡឹក បានមកដល់ពេលលោកជួបជាមួយអតីតផលិតករភាពយន្ត (១៩៥០-២០០៣) Chaung Kwok-Wing ។
លោក Cheung បានផ្តល់ឱកាសឲ្យ គួ ធានឡឹក ចូលរួមសម្តែងក្នុងខ្សែភាពយន្តភាគទូរទស្សន៍ TVB ដែលក្នុងនោះភាពយន្តរឿងឥន្ទ្រីយ៍សេនាក្លាហាន បានច្រានលោកឲ្យឈានដល់ “កំពូល” នៃភាពល្បីល្បាញនាឆ្នាំ ១៩៩៥ ។
ល្បីល្បាញបានមួយរយៈព្រោះគ្មានភាពល្អសម្តែង លោកបានត្រូវអ្នកគាំទ្រ “ភ្លេចមុខ” ។ គួ ធានឡឹក សម្រេចចិត្ត “ជ្រលក់ពណ៌ស្បែក” (មុននេះលោកមានសម្បុរសស្គុះ) ហ្វឹកហាត់កាយសម្ព័ន្ធ បំណង “ប្តូរវាសនា” ។
ជាមួយរូបរាង “ថ្មីស្រឡាង” TVB បានចាប់អារម្មណ៍លើលោកវិញ ។ ការប្រឹងប្រែងមិនឈប់ឈរជារាងកាយថ្មី លោកត្រូវបានទស្សនិកជនស្វាគមន៍យ៉ាងលើសលុប ។ លោកទទួលបានពានរង្វាន់យ៉ាងច្រើន ។
គួ ធានឡឹក ចៀសឆ្ងាយពីរឿងអាស្រូវគ្រប់យ៉ាង លោកនៅតែឯង ហើយមិត្តស្រីតែមួយគត់ ត្រូវបានលោកបើកចំហគឺតារា TVB Huong Jiying ។
នាងពិតជាមានគុណចំពោះរូបលោក ខណៈពេលដែលលោកបានត្រូវគេ “វាយប្រហារ” ចោទថាញៀនគ្រឿងញៀនគ្មានអ្នកប្រដៅ ។ល។ ធ្វើឲ្យអ្នកទាំងឡាយ “ឃ្លាតឆ្ងាយ” មានតែ Huang Jiying ម្នាក់គត់បានបោះដៃឲ្យលោក ។ អភ័ព្វដែរ ៧ឆ្នាំក្រោយមក ព្រោះមានទស្សនៈពុំត្រូវគ្នាគេក៏បែកផ្លូវ ប៉ុន្តែបន្តរាប់អានដូចមិត្តភក្តិ ។
ប្រការធ្វើឲ្យគេចាប់អារម្មណ៍នោះគឺពេលលោកក្លាយជាអ្នកមានល្បីល្បាញក្តីក៏លោកនៅបន្តប្រើទូរស័ព្ទ “ចុចពិល” កញ្ចាស់ពុំប្រើរថយន្តទំនើបភូមិគ្រឹះស្តុកស្តម្ភ… ពោលគឺរក្សាជីវភាពរស់នៅដ៏សាមញ្ញ ។
លោកជាតារា “មិនរើសរឿងសម្តែង” ឲ្យតែមានពេលគឺលោកងក់ក្បាល “Ok” ទាំងអស់ដល់ថ្នាក់អ្នកខ្លះពេបជ្រាយថាលោកជា “អធិរាជភាពយន្តថោកៗ” ។
ប៉ុន្តែមនុស្សមួយចំនួនបែរជាងឿងឆ្ងល់ថា គួ ធានឡឹក វេទនារកលុយដើម្បីអ្នកណា? លុយចាយមិនអស់ កេរ្តិ៍ឈ្មោះល្បីល្បាញ… តើប្រឹងស្អីទៀត ។
មនុស្សតិចណាស់ដែលដឹងថា លោករកលុយពុំសម្រាប់ខ្លួនឯងទេ ។ លោកធ្វើសប្បុរសធម៌ជួយអ្នកដទៃយ៉ាងស្ងៀមស្ងាត់ និងលាក់បាំង ។
រឿងរ៉ាវដើមផ្ទុះឡើងនៅឆ្នាំ ២០១០ ពេលដែលនាយកសាលា និងសិស្ស ២រូបបានថ្លែងអំណរគុណដល់ គួ ធានឡឹក ដោយចំហតាមទូរទស្សន៍ ។
អ្នកសារព័ត៌មានចាប់ផ្តើមរើកកាយរឿងរ៉ាវរបស់លោក ទើបដឹងថាពីយូរណាស់មកហើយ គួ ធានឡឹក បានធ្វើសប្បុរសធម៌យ៉ាងស្ងៀមស្ងាត់ជាអាទិ៍ឆ្នាំ ២០០៣ លោកជួយមូលនិធិអ្នកកើត HIV ១លានយាន់ ។ ឆ្នាំ ២០០៨ លោកបានប្រើឈ្មោះរបស់ខ្លួនបង្កើតមូលនិធិជួយដល់អ្នករងគ្រោះរញ្ជួយដីនៅខេត្តស៊ឺជាំង ប្រទេសចិន ។ ឆ្នាំ ២០១១ គេរកឃើញថា លោកគួ ធានឡឹក បានប្រើមូលនិធិនេះកសាងសាលារៀន ៤៩ខ្នង មន្ទីរពេទ្យ ២០ អាងស្តុកទឹក ៥០ នៅហ្គីហ្សូ ប្រទេសចិន ។
គិតមកទល់ពេលនេះ “មូលនិធិគួ ធានឡឹក” បានសាងសង់សាលារៀន ៨៥ខ្នង សម្រាប់សិស្សរាប់ម៉ឺននាក់ មកសិក្សានៅជនបទដាច់ស្រយាល ។
ស្រាប់តែនៅខែធ្នូ ឆ្នាំ ២០១៦ សារព័ត៌មាន Nitizen បានរកឃើញថា លោកបានសាងសង់សាលារៀន ៩៤ខ្នង មន្ទីរពេទ្យ ១៨ អាងស្តុកទឹក ៧៥០ សម្រាប់ពលរដ្ឋនៅតំបន់ព្រៃភ្នំក្រីក្របំផុត ។ កាសែតនេះសរសេរថា ៖ “បើនិយាយថាគួ ធានឡឹក ថតកុនៗទៀតមិនឈប់នោះគឺព្រោះតែចង់សាងសង់សាលារៀន!” ។
កាយវិការរបស់ក្មេងម្នាក់ក្នុងអតីតកាលក្រីក្រតោកយ៉ាក ពុំបានរៀនសូត្រ ធ្លាប់លួរចរបស់គេ ក្លាយជានិមិត្តរូបមួយពិតជាត្រូវឆ្លងកាត់ទុក្ខវេទនារាប់មិនអស់ ហើយនេះជាអ្វីៗដែលគួ ធានឡឹកបានប្រឈមមុខឆ្លងកាត់ តែទ្រាំទ្រហើយធ្វើ -ធ្វើនូវអ្វីៗដើម្បីជួយឲ្យជីវិតដទៃទៀតកុំឲ្យដូចគាត់ ។
លោកគួ ជាខ្មែរម្នាក់ខ្ញុំពិតជាលំឱនកាយគោរពចំពោះវីរភាពរបស់លោក -ធ្វើយ៉ាងស្ងៀមស្ងាត់ពុំចង់បានអ្វី ក្រៅពីបញ្ចៀសអ្នកដទៃពីវាសនា គ្រាកុមារភាពរបស់លោក ៕ ចន្ទ្រា
